මුදල් අමාත්‍යාංශ නිලධාරීන් හා මැතිවරණ ‍කොමිෂන් සභාව අතර හමුවක් අද

මුදල් අමාත්‍යාංශයේ නිලධාරීන් සහ මැතිවරණ ‍කොමිෂන් සභාවේ සාමාජිකයින් අතර හමුවක් අද (17) පෙරවරුවේ පැවැත්වීමට නියමිතයි.

ජනාධිපතිවරණයට අදාළ මුදල් සපයා ගැනීම ඇතුළු මැතිවරණය සඳහා වැයවන මුදල නිසි වේලාවට මහා භාණ්ඩාගරයෙන් මුදාහැරීම සම්බන්ධයෙන් මෙහිදී සාකච්ඡා කිරීමට නියමිත බව සඳහන්.

මෙවර ජනාධිපතිවරණය සඳහා ඇස්තමේන්තු කර ඇති මුදල රුපියල් බිලියන 10ක්.

මේ අතර ජනාධිපතිවරණය ප්‍රකාශයට පත් කිරීමේ බලය ඊයේ (16) මධ්‍යම රාත්‍රියේ සිට මැතිවරණ කොමිෂන් සභාවට පැවරුණා.

ඒ, අනුව මෙම මස අවසන්වීමට පෙර ජනාධිපතිවරණය ප්‍රකාශයට පත් කිරීමට අපේක්ෂා කරන බව මැතිවරණ කොමිෂන් සභාව සඳහන් කළා.