පසුගිය 14 වනදා මීගොඩ නාගහවත්ත ප්‍රදේශයේ දී මෝටර් රථයකින් ගමන් කරමින් සිටි පුද්ගලයෙකුට වෙඩි තබා ඝාතනය කිරීමේ සිද්ධියට අදාළව සැකකරුවන් තිදෙනෙක් අත්අඩංගුවට ගෙන තිබෙනවා.
මෙම සැකකරුවන් තිදෙනා මීගොඩ සහ හෝමාගම යන ප්‍රදේශවල දී ඊයේ (22) පස්වරුවේ අත්අඩංගුවට ගත් බවයි පොලිසිය සඳහන් කළේ.
පාදුක්ක සහ මීගොඩ යන ප්‍රදේශවල පදිංචිකරුවන් වන මෙම සැකකරුවන් 22, 26 සහ 38 යන වයස්වල පසුවන්නන් බවයි වාර්තා වන්නේ.
මොවුන්ගෙන් එක් පුද්ගලයෙක් වෙඩික්කරු සමඟ පැමිණි අයෙක්වන අතර, අනෙක් දෙදෙනා ආපරාධය සිදුකිරීමට ආධාර අනුබල දී ඇති බවයි පොලිසිය සඳහන් කළේ.
අපරාධය සිදුකළ වෙඩික්කරු සහ තවත් සකකරුවක් පසුගිය 19 වනදා අත්අඩංගුවට ගැනීමට බස්නාහිර පළාත් දකුණ අපරාධ කොට්ඨාසය විසින් කටයුතු කර තිබූ අතර, ඔවුන්ගෙන් අනාවරණය කරගත් කරුණු අනුව මෙම සැකකරුවන් තිදෙනා මෙලෙස අත්අඩංගුවට ගෙන තිබෙනවා.
පසුගිය 14 වනදා රාත්‍රියේ සිදු වූ මෙම වෙඩි තැබීමෙන් 32 හැවිරිදි එක් දරු පියෙක් මිය ගියා.
වෙඩිතැබීම සිදුවන අවස්ථාවේ දී ඔහුගේ වයස අවුරුදු එකහමාරක් වූ දියණිය සහ බිරිඳ මෝටර් රථයේ සිට ඇති බවයි වාර්තා වුණේ.
