ඔස්ට්රෙලියාවේ සමාගමකට ව්යාජ අත්සන් යොදා සකස් කළ ඇටෝනි බලපත්රයක් යොදා ගනිමින් රුපියල් මිලියන 21ක් වටිනා කොටස් වංචනික ලෙස අලෙවි කිරීමේ වෝදනා යටතේ, හිටපු පාර්ලිමේන්තු මන්ත්රී උදය ගම්මන්පිල සහ සිඩ්නි ජයසිංහ යන දෙදෙනාට නීතිපතිවරයා විසින් පවරා ඇති නඩුවක ලිඛිත විරෝධතා ලබන නොවැම්බර් 25 වැනිදා ගොනු කරන ලෙස කොළඹ මහාධිකරණ විනිසුරු ප්රදීප් අබේරත්න මහතා නියෝග කරනු ලැබුවා.
නඩුවේ දෙවනි විත්තිකරු සිඩ්නි ජයසිංහ නමැත්තා අද (24) අධිකරණය හමුවේ පෙනී නොසිටි අතර ඔහු වෙනුවෙන් පෙනී සිටි ජනාධිපති නිතිඥ නලින්ද ඉන්දතිස්ස මහතා සඳහන් කළේ සියසේවා දයාකයා දැඩි අසනිප තත්ත්වකින් පසු වන බවයි.
එහිදි විනිසුරුවරයා නියෝග කළේ එම අසනිප තත්ත්වය සනාථ කළ හැකි ලේඛන ලබන නඩු වාරයේ දී අධිකරණයට ඉදිරිපත් කරන ලෙසයි.
1996 සහ 1997 අතර කාලයේදී මනික් ඉන් කොපරෙට් සමාගමේ අධ්යක්ෂ මහේන්ද්ර ද සිල්වා නමැත්තා එම ඇටෝනි බලපත්රය ඉදිරිපත් කර පුද්ගලික බැංකුවක් මගින් නිකුත් කර , පුද්ගලික සමාගමක් විසින් මිලදිගෙන තිබු රුපියල් මිලියන 21ක් වටිනා කොටස් චංවනික ලෙස විකිණීම හා අනුබල දීම යන චෝදනා යටතේ නීතිපතිවරයා විසින් මෙම නඩුව පවරා තිබෙනවා.
wpDiscuz
