මිල්කෝ සමාගමෙන් කිරි ගොවීන්ට උපදෙසක්

මේ දිනවල පවතින උණුසුම් කාලගුණය හේතුවෙන් තම ගවයන් ආරක්ෂා කර ගැනීමට අවශ්‍ය පියවර ගන්නා ලෙස දේශීය කිරි නිෂ්පාදකයෙකු වන මිල්කෝ පුද්ගලික සමාගම ගව හිමියන්ගෙන් ඉල්ලීමක් කරනවා.

නිවේදනයක් නිකුත් කරමින් මිල්කෝ සමාගම සඳහන් කළේ බස්නාහිර, දකුණ, උතුරු මැද සහ වයඹ පළාත්වලත් කුරුණෑගල, මුලතිව්, වවුනියාව සහ කිලිනොච්චි දිස්ත්‍රික්කවලත් අද සහ හෙට දිනයේදී අධික උණුසුමක් අපේක්ෂා කරන බවට කාලගුණ විද්‍යා දෙපාර්තමේන්තුව දැනුම් දී ඇති බවයි.

මෙම කාලසීමාව තුළ කිරි ගවයින් සෑම විටම සෙවණ ඇති ආරක්ෂිත ස්ථාන තුළ තබා ඔවුන්ට බීමට අවශ්‍ය තරම් ජලය ලබා දෙමින් ආරක්ෂාව තහවුරු කරන ලෙස මිල්කෝ ගව හිමියන්ගෙන් ඉල්ලා සිටිනවා.