මැදපෙරදිග කලාපයට සහ කටුනායක අතර පැමිණීම් 60ක් සහ පිටත්වීම් 65ක් වශයෙන් සම්පූර්ණ ගුවන් ගමන්වාර 125ක් අවලංගු වී ඇති බව වරාය සහ සිවිල් ගුවන් සේවා අමාත්ය අනුර කරුණාතිලක පවසනවා.
ඒ, අනුව මැදපෙරදිග කලාප සඳහා පිත්වෙන සහ පැමිණෙන සියලු ගුවන් ගමන් අද (02) රාත්රී 12 දක්වා අවලංගු කර ඇති බවයි අමාත්යවරයා සඳහන් කළේ.
කෙසේ වෙතත් පවතින තත්ත්වයන් සැළකිල්ලට ගෙන ඉදිරි ගුවන් ගමන් පිළිබඳව අද (02) රාත්රී 12න් පසු තීරණය කරන බව අමාත්යවරයා සඳහන් කර සිටියා.
එමෙන්ම පවතින තත්ත්වය හේතුවෙන් ලංකාවට පැමිණීමට නොහැකිව විවිධ ගුවන්තොටුපොළවල රැඳී සිටින ශ්රී ලාංකික ගුවන් මගීන් මෙරටට ගෙන්වා ගැනීමට අදාළ ගුවන් සමාගම් සමඟ සාකච්ඡා කරමින් සිටින බවත් ඔහු පැවසුවා.
මේ අතර දිවයිනෙන් පිටත්ව යෑමට නොහැකිව සිටින විදෙස් ගුවන් මගීන්ගේ වීසා ඇතුළු අනෙකුත් නීතිමය කටයුතු සම්පූර්ණ කර ඔවුන්ට මෙරට තුළ වැඩි කාලයක් රැඳී සිටීමට අවශ්ය පහසුකම් සලසා ඇති බවත් අමාත්යවරයා සඳහන් කළා.
එමෙන්ම එක්සත් ජනපදය සහ එක්සත් රාජධානියට ගමන් කිරීමට නියමිත සැලකිය යුතු ගුවන් මගීන් ප්රමාණයක් සිටින බවත්, එම ගුවන් මගීන්ට මැදපෙරදිග කලාපයෙන් බැහැරව තුර්කිය හරහා අදාළ ගමන් පහසුකම් සලසා ගැනීම සම්බන්ධයෙන් අදාළ ගුවන් සමාගම් සමඟ සාකච්ඡා සිදුකර බවත් ඔහු අවධාරණය කළා.
