රජය විසින් වැටුප් වැඩි කිරීම සැලසුම් කර ඇති පසුබිමක එම ප්රතිපත්තිය ක්රියාත්මක නොවන බවට විවිධ සාවද්ය තොරතුරු පළ වෙමින් පවතින බව මුදල් රාජ්ය අමාත්ය ශෙහාන් සේමසිංහ පවසනවා.
රාජ්ය අමාත්යවරයා පැවසුවේ; ජනාධිපති රනිල් වික්රමසිංහ පොරොන්දු වූ පරිදි ස්ථීර වශයෙන් ම රාජ්ය සේවක වැටුප් ලබන වසරේ ජනවාරියේ සිට වැඩිවන බවත්; මැතිවරණ වේදිකාවේ දී දුන් පොරොන්දු ක්රියාත්මක කළ හැකි එකම නායකයා වත්මන් ජනාධිපතිවරයා පමණක් බවයි.
අනුරාධපුරයේ අද (10) පැවති මාධ්ය හමුවකට එක් වෙමින් රාජ්ය අමාත්යවරයා මේ බව ප්රකාශ කළා.
රාජ්ය අමාත්ය ශෙහාන් සේමසිංහ;
”අපේ රටේ රාජ්ය සේවකයන්ගේ වැටුප් වැඩිවීම සම්බන්ධයෙන් කැබිනට් මණ්ඩලය තීන්දුවක් ගත්තා. ඒ වගේම මේ වැටුප් වැඩිවීම අපි ජාත්යන්තර මූල්ය අරමුදලත් සමග මීට වර්ෂයකට පෙර සාකච්ඡා කරමින් පැවති මාතෘකාවක්. ජනාධිපතිතුමා ජාත්යන්තර මූල්ය අරමුදලටත් පැහැදිලි කළේ මේ රටේ රාජ්ය සේවකයින්ගේ වැටුප් වැඩිවීම සිදු කළ යුතුයි. ඒ සඳහා අවශ්ය ආදායම් වියදම් කළමනාකරණය පිළිබදව වැඩි අවධානයක් යොමු කළ යුතුයි. ඒ සමගම මීට මාස කීපයකට කලින් මේ වර්ෂය සඳහා රුපියල් 10,000ක දීමනා වැඩිවීමක් රාජ්ය සේවකයන්ට මහා භාණ්ඩාගාරය විසින් ජනාධිපතිතුමාගේ උපදෙස් පරිදි ලබාදීමත් සමගම විවිධ දේශපාලන පක්ෂවලට සම්බන්ධ වෘත්තීය සමිති දිගින් දිගටම මුදල් අමාත්යාංශය ඉදිරිපිට උද්ඝෝෂණය කරන්න පටන් ගත්තා.
එහිදී අපි කියා සිටියා 2024 වර්ෂය සඳහා නැවත දීමනා හෝ වැටුප් වැඩිවීමක් සිදු කරන්න බැහැ. නමුත් 2025 වර්ෂයේ දී අනිවාර්යයෙන්ම වැටුපඩි වැඩි කිරීමක් සිදු කරන බව. මේ නිශ්චිත වශයෙන්ම සිදු කරන බව ජනාධිපති රනිල් වික්රමසිංහ මැතිතුමා විසින් ප්රකාශ කළා. ඒ සඳහා අවශ්ය සාකච්ඡා ඒ වෙනකොටත් මහා භාණ්ඩාගාරය සමගත් මුදල් අමාත්යාංශයේත්; ජාත්යන්තර මූල්ය අරමුදල සමගත් අපි සිදු කරමින් පැවති නිසා.
ඒ වැටුප් වැඩිවීම ලබා දුන්නට පස්සේ 2025 ක් ක්රියාත්මක වීමට අදාළව අපි දැක්ක පහුගිය දිනවල පුවත්පතක් ප්රවෘත්තියක් ලෙස පළ කලා වැටුප් වැඩි කිරීමට අදාළ ව අවශ්ය අනුමැතිය ලබාගෙන නැහැ කියලා.
ඒකෙන් අදහස් කරන්න ඇත්තේ මේ රටේ රාජ්ය සේවකයන් ඔවුන් විසින් මේ රටට කරන සේවාව වෙනුවෙන් සහ මේ ආර්ථික අර්බුදය තුළ ගොඩනැගෙන අලුත් ආර්ථිකයේ හැම කෙනෙකුටම ප්රතිලාභ ගලාගෙන යන්න ජනාධිපතිතුමා සහ රජයේ වැටුප් වැඩි කිරීමක් සැලසුම් කරාට පස්සේ ඒක සිදු නොවෙනවා කියන මතයක් සාවද්ය තොරතුරක් කියලා සමාජගත කරන්න උත්සාහ කළා…”
යනුවෙන් රාජ්ය අමාත්යවරයා වැටුප් වැඩි කිරීම පිළිබඳව මෙලෙස වැඩිදුරටත් අදහස් පළ කළා.
