පුද්ගලයෙකුගේ මාසික ආදායම රුපියල් 100,000ක් නො ඉක්ම වන්නේ නම්; කිසි ලෙසකින් බදු මුදල් ගෙවීම අවශ්ය නොවන බව මුදල් රාජ්ය අමාත්ය රංජිත් සියඹලාපිටිය පවසනවා.
බදු ගෙවීම් ඉල්ලා දේශීය ආදායම් දෙපාර්තමේන්තුවෙන් ලිපි හෝ කෙටි පණිවුඩ ලැබී ඇති පුද්ගලයින්ට තම මාසික ආදායම රුපියල් 100,000 නොඉක්මවන්නේ නම් ඊට එකඟ විය යුතු නැති බවයි අමාත්යවරයා වැඩිදුරටත් පෙන්වා දෙන්නේ.
බදු ගෙවන්නන් හට ලබා දී ඇති TIN අංකයට ලැබුණු කෙටි පණිවිඩ සහ පැමිණිලි පිළිබඳ ව අවධානය යොමු කරමින් රාජ්ය අමාත්යවරයා මේ බව සඳහන් කළා.
ඒ අනුව මාසික ආදායම රුපියල් 100,000 ගන්නා තැනැත්තන් රාජ්ය බදු ගණනය කිරීම්වලින් නිදහස් කරන බවයි වාර්තා වන්නේ.
යම්කිසි ගැටලුවක් වේ නම්; අදාළ සිදුවීම පිළිබඳ ව තමන් ජීවත් වන ප්රදේශයට අයත් ප්රාදේශීය ලේකම් කාර්යාලයට ද දැනුම්දිය හැකි බව ද අමාත්යවරයා පවසනවා.
අද වන විට දළ වශයෙන් මිලියන 2.3 ක පිරිසකට ඔවුන්ගේ TIN අංක ලැබී ඇති බවත්, ජුනි මාසයේ දී පමණක් මිලියන 1.3 ක් නිකුත් කර ඇති බවත් අමාත්යවරයා ප්රකාශ කළා.
ජුලි මාසය අවසන් වන විට TIN අංක නිකුත් කිරීම මිලියන 7.3 දක්වා වැඩි කිරීම රජයේ ඉලක්කය බවයි හෙතෙම වැඩිදුරටත් අවධාරණය කළේ.
