පසුගිය 21 වනදා මාතලේ, රත්තොට ප්‍රදේශයේදී හමුවූ ඝාතනය කර පුළුස්සා දැමූ පුද්ගල මළ සිරුර වැල්ලවාය ප්‍රදේශයෙන් අතුරුදන් වූ කොන්ත්‍රාත්කරුගේ බව මෙතෙක් සිදුකරන ලද පරීක්ෂණවලදී හෙළි වී තිබෙනවා
46 හැවිරිදි අදාළ කොන්ත්‍රාත්කරු පසුගිය (17) වනදා සිට අතුරුදන්ව සිටියා .
මේ සම්බන්ධයෙන් සිදුකරනු ලද විමර්ශන වලින් හෙළි වූයේ ඔහු අවසන්වරට බත්තරමුල්ල, කොස්වත්තේ පිහිටි ඔහුගේ කාර්යාලයට පැමිණ ඇති බවයි.
මේ අතුරුදන්වීම පිළිබඳව සිදුකරන ලද පර්වේෂනීය සාක්ෂි ඇසුරෙන් සිදුකරන ලද දීර්ඝ විමර්ශනයකින් පසුව හෙළි වී ඇත්තේ අදාල ව්‍යාපාරිකයා ඔහු යටතේ සේවය කරන පෙදරේරුවකු විසින් ඝාතනය කර ඇති බවයි.
මෙම ඝාතනය බත්තරමුල්ල ඔහුගේ නව කාර්යාල පරිශ්‍රයේදී සිදු වී ඇති අතර ඒ සඳහා ඝාතකයාට ඔහුගේ මිතුරෙකු සහය ද ලැබී තිබෙනවා.
මෙතෙක් කරන ලද පරීක්ෂණවලදී හෙළි වී ඇත්තේ මෙම ඝාතනයට හේතුව දීර්ඝ කලක් තිස්සේ පැවති වැටුප් ගෙවීම් පිළිබඳ ගැටලුවක් බවයි. කොන්ත්‍රාත්කරු ඝාතකයාට සහය දුන් ඔහුගේ මිතුරා මේ වන විට පොලිස් අත්අඩංගුවේ පසුවන අතර ඝාතනය සිදුකළ පුද්ගලයා සොයා වැඩිදුරටත් පරීක්ෂණ ක්‍රියාත්මකයි.
පෙර පුවත – රත්තොට පිළිස්සුණු මළ සිරුර ගැන පොලීසි 3කින් පරීක්ෂණ
රත්තොට ගිනි ගත් සිරුරු කොටස් නිසා හෙළි වූ තරුණ ව්‍යාපාරිකයා ගේ අභිරහස් මරණය
