පවතින ඉන්ධන හිඟය හේතුවෙන් මේ දිනවල පොළොන්නරුව දිස්ත්රික්කය පුරාවට සෑම ඉන්ධන හලකම දක්නට ලැබෙන්නේ දිගු පෝලිම්.
ඇතැම් ස්ථානවල පැය ගණනක් පුරා තමන්ගේ වාරය පැමිණෙන තුරු රැය පහන් කිරීමට පවා ජනතාව ට සිදුව තිබේ.
එවන් වාතාවරණයක් තුළ පෞද්ගලික මල්ශාලාවකට අයත් වෑන් රථයක් හදිසියේ ඉන්ධන ලබාගැනීමට පැමිණ හඟුරක්කෙත නගරයේ සමූපාකාර ඉන්ධන පිරවුම් හලක උණුසුම් තත්ත්වයක් හට ගැණුනි.
එම වෑන් රථය තුළ මිනී පෙට්ටියක් ද තිබු අතර, එහි රියදුරු පවසා සිටියේ, නිවැසියන්ට මළ සිරුර භාරදීමට යන අවස්ථාවේ දී ඉන්ධන අවසන් වීම හේතුවෙන් තමා දැඩි අසීරුතාවයකට පත්වු බවය.
“මරණය ගෙනියන්න යන්නේ. මිනිස්සු එක්ක මරාගන්න වෙලා තියෙන්නේ මේ ප්රශ්නය නිසා. එම්බාම් කරලා මරණේ ගෙදරට ගෙනියන්න ඕනේ. මිනිස්සුන් ට ඒ ප්රශ්න වැඩක් නෑ. මිනිස්සු කෑ ගහනවා. අපිට ඩීසල් හරි ප්රශ්නයක් වෙලා. මාව මරලා පෙට්ටියට දාන තත්ත්වයක් දැන් වෙලා තියෙන්නේ.”
