මහ මැතිවරණය ප්‍රකාශයට පත් කළ දා සිට ලැබුණු පැමිණිලි සංඛ්‍යාව 1642ක් – ප්‍රචණ්ඩ ක්‍රියා 15කුත් (නිවේදනය)

ගෙවුණු පැය 24ක කාලය තුළ මැතිවරණ කොමිෂන් සභාවට වාර්තා වූ පැමිණිලි සංඛ්‍යාව යම් තරමකින් ඉහළ ගොස් තිබෙනවා.

ඊයේ (04) පස්වරු 4.30 දක්වා කාලය තුළ ප්‍රචණ්ඩ ක්‍රියා වාර්තා නොවුණ ද මැතිවරණ උපමාන හා නීති උල්ලංඝනය කිරීම් 10ක් වාර්තා වී ඇති බවයි නිවේදනයේ දැක්වෙන්නේ.

දිස්ත්‍රික් මැතිවරණ පැමිණිලි කළමනාකරණ මධ්‍යස්ථාන වෙත මැතිවරණ නීති උල්ලංඝනය කිරීම් සම්බන්ධ පැමිණිලි 97ක් ලැබී තිබෙනවා.

ඒ අනුව දෛනිකව මැතිවරණ කොමිෂන් සභාවට පැමිණිලි 107ක් ලැබී ඇති බවයි පැවසෙන්නේ.

එමෙන්ම සැප්තැම්බර් මස 26 වැනි දින සිට ඊයේ තෙක් ප්‍රචණ්ඩ ක්‍රියා 15ක්, මැතිවරණ නීති උල්ලංඝනය කිරීම් 1592ක් සහ වෙනත් චෝදනා 35ක් සමග මුළු පැමිණිලි 1642ක් ලැබී තිබෙන බවත් මැතිවරණ කොමිෂන් සභාව සඳහන් කළා.