කල්මුනෙ හි පදිංචි ජෙයරාස් අබිලාස් දරුවාට මව්වරු 9 දෙනෙකුගේ ආදරය හිමි දරුවෙකි. ඔහු මෙලෙස මව්වරුවන් 9 දෙනෙකුට හිමිකම් කියන්නේ සුනාමි ඛේදවාචකයෙන් අතුරුදන් වී පසුව සොයාගත් සහ රෝහලේදී මව්වරුන් 9 දෙනකු උරුමකම් කී නිසාවෙනි. මෙම දරුවාව “සුනාමි බේබි -81” යනුවෙන් හැදින් වු මෙම දරුවා අද (01) සාමාන්‍ය පෙළ විභාගයට පෙනී සිටියා.
සුනාමි ඛේදවාචකය සිදු වූ අවදියේ දී, දින 67 ක් වූ අබිලාස්, මුහුදු රළට අසුවී ගසාගෙන ගොස් පැය 18කට පසු සොයාගනු ලැබු මෙම දරුවා කල්මුනේ මූලික රෝහලේ හෙදියන්ගේ භාරයේ සිටි අභිලාස්ට, මව්වරුන් 09දෙනෙකු පැමිණ උරුමකම් කීයා සිටියද අධිකරණ මාර්ගයෙන් ඩී.එන්.ඒ පරීක්ෂණයක් සිදුකර නිත්‍යානුකූල පියාවන ජේරාජ් නමැත්තාට භාරදී තිබෙනවා. තවද “සුනාමි බේබි -81” ලෙස හදුන්වනු ලැබුවේ මෙම දරුව සිටි රෝහලේ ඇඳ අංකය 81 හේතුවෙන්.
අද කළුතාවලෙයි ප්‍රදේශයේ ඉදිකර ඇති සුනාමි ස්මාරකයට, තම පියා සමග ගොස් පුෂ්පෝපහාර දක්වා, පසුව සෙට්ටිපාලයම් මහා විද්‍යාලයේ පිහිටා ඇති විභාග මධ්‍යස්ථානයට ඔහු පිටත්ව ගියා.
