පාර්ලිමේන්තු මන්ත්රීවරුන්ගේ විශ්රාම වැටුප් අහෝසි කිරීමේ පනත් කෙටුම්පත එළෙඹෙන 17 වන අඟහරුවාදා විවාදයට ගැනීමට නියමිත බව සභානායක අමාත්ය බිමල් රත්නායක පවසනවා.
විවාද පැවැත්වෙන දිනයේදීම එම පනත සම්මත කිරීමට කටයුතු කර ගැනීමට පාර්ලිමේන්තු කටයුතු පිළිබඳ කාරක සභාවේ දී තීරණය වූ බවයි සභානායකවරයා සඳහන් කළේ.
පාර්ලිමේන්තු මන්ත්රීවරුන්ගේ විශ්රාම වැටුප් (ඉවත් කිරීමේ) නමැති පනත් කෙටුම්පත පිළිබඳ ශ්රේෂ්ඨාධිකරණයේ තීරණය තම වෙත ලැබුණු බව කතානායකවරයා ඊයේ පාර්ලිමේන්තුව දැනුම් දෙනු ලැබුවා.
එම පනත් කෙටුම්පතෙහි කිසිදු විධිවිධානයක් ආණ්ඩුක්රම ව්යවස්ථාවේ කිසිඳු විධිවිධානයකට අනනුකූල නොවන බවත් පනත් කෙටුම්පත පාර්ලිමේන්තුවේ සරල බහුතරයෙන් සම්මත කළ හැකි බවත් ශ්රේෂ්ඨාධිකරණය විසින් තීරණය කර ඇති බවයි කතානායකවරයා දැනුම් දුන්නේ.
ඔබේ ප්රතිචාරය කුමක්ද ?
+1
+1
+1
+1
+1
+1
+1
