තමන් දේශපාලනයෙන් සමුගන්නා බවට ඇප ලැබුණු අර්චුනාගෙන් ප්‍රකාශයක්

තමන් දේශපාලනයෙන් සමුගන්නා බව මන්ත්‍රී රාමනාතන් අර්චුනා මහතා පවසනවා.

ඊයේ (29) චාවකච්චේරිය ප්‍රදේශයේ දී අත් අඩංගුවට ගෙන අනුරාධපුර මහේස්ත්‍රාත් අධිකරණයට ඉදිරිපත් කිරීමෙන් අනතුරුව ඔහුට අධිකරණයෙන් ඇප හිමිවීමෙන් අනතුරුව මාධ්‍යය වෙත අදහස් පළ කරමින් මෙලෙස සඳහන් කළා.

තමන් හට කිසිදු පැහැදීමක් මෙම දේශපාලන සංස්කෘතිය ගැන නොමැති බවයි මන්ත්‍රීවරයා කියා සිටින්නේ.

ඊයේ (29) පස්වරුවේ මන්ත්‍රීවරයා ව යාපනයේ දී පොලිස් අත්අඩංගුවට ගැනුණේ පසුගියදා අනුරාධපුර – රඹෑව ප්‍රදේශයේ දී රථවාහන පොලිස් නිලධාරීන්ගේ රාජකාරියට බාධා කිරීමේ වරදට එරෙහිවයි.

අනුරාධපුර ප්‍රධාන මහේස්ත්‍රාත් නාලක සංජිව ජයසූරිය මහතා වෙත ඉදිරිපත් කරනු ලැබීමෙන් අනතුරුව රුපියල් ලක්ෂ දෙක බැගින් ශරීර ඇප දෙකක් මත ඇප හිමිවුණු අතර නඩුව නැවත කැඳවීම පෙබරවාරි මස 03 වන දින තෙක් කල් තැබුණා.

පසුගිය මහමැතිවරණයේ දී ස්වාධීන පක්ෂ අපේක්ෂකයෙකු ලෙස පාර්ලිමේන්තු වරම් දිනාගත් අර්චුනා මහතා වරින්වර දේශපාලන ලෝකයේ දැඩි කලහකාරී චරිතයක් ලෙස සිදුවීම් මැවීමට පටන් ගත්තා.