නව ප්‍රජාතන්ත්‍රවාදී පෙරමුණෙන් කොළඹ දිස්ත්‍රික්කයෙන් ඉදිරි මැතිවරණයට තරග කරන නීතිඥ මධුර විතානගේ මහතාට අයත් කුඩා බස් රථයක් මැතිවරණ ප්‍රචාරණ කටයුතු සඳහා යොදා ගත්තේ යැයි චෝදනා කරමින් එල්ල වූ නඩුව තවදුරටත් ඉදිරියට පවත්වාගෙන යා නොහැකි බවට දන්වමින් එම බස් රථය සහ රියදුරුව වහාම මුදා හරින ලෙස කොළඹ අතිරේක මහේස්ත්‍රාත් මංජුල රත්නායක මහතා අද (01) නියෝග කළා.
අද මෙම නඩුව කැඳවූ අවස්ථාවේ දී මහේස්ත්‍රාත්වරයා දැනුම්දුන්නේ යම් කිසි අපේක්ෂකයෙකු සිය පෞද්ගලික වාහනයක් ප්‍රචාරණ කටයුතු සඳහා යොදා ගැනීම මැතිවරණ කොමිෂන් සභාව නිකුත් කළ මැතිවරණ නීතිරීති, උපමාන හෝ පාර්ලිමේන්තු මැතිවරණ පනත උල්ලංඝණය කිරීමක් නොවන බවටයි.
කොළඹ දිස්ත්‍රික්කයෙන් සිය සේවාදායකයා මෙවර මහමැතිවරණයට ඉදිරිපත් වන බවත් දෙවැනි වරටත් ඔහුගේ රියදුරු ලෙස කටයුතු කරන පුද්ගලයාට එරෙහිව මෙලෙස නඩු පවරා ඇත්තේ දේශපාලනික පළිගැනීමක් ලෙස බවත් මධුර විතානගේ මහතාගේ රියදුරු වෙනුවෙන් පෙනී සිටි ජ්‍යේෂ්ඨ නීතිඥ ඇන්ටන් සේනානායක මහතා අධිකරණය හමුවේ දී පෙන්වා දුන්නේ.
ඒ අනුවයි මෙම නියෝගය නිකුත් කෙරුණේ.
