තමන්ට අවශ්ය වන්නේ තම පෞද්ගලික ලකුණුවලට වඩා කණ්ඩායම තරග ජයග්රහණ කරනවා දැකීම බව ශ්රී ලංකා ක්රිකට් කණ්ඩායමේ පිතිකරු කුසල් මෙන්ඩිස් පවසනවා.
ඊයේ (08) රාත්රියේ දී මහනුවර පල්ලෙකැලේ ජාත්යන්තර ක්රීඩාංගණයේ දී බංග්ලාදේශයට එරෙහිව පැවති තුන්වැනි හා අවසන් එක්දින තරගයෙන් ද ජය ගනිමින් තරගාවලි ජයක් ලබා ගැනීමෙන් පසුව මාධ්ය වෙත අදහස් දක්වමින් මෙන්ඩිස් මේ බව කියා සිටියා.
තමන්ගෙ නිවැරදි නොවූ තීරණයක් හේතුවෙන් බංග්ලාදේශයට එරෙහිව පැවති දෙවැනි තරගය පරාජයට පත් වූ බවත්, එම තරගයේ දී ක්රීඩා කළ විලාසයට වඩා වෙනත් ආකාරයකින් අවසන් තරගය ක්රීඩා කරමින්, අසීරු කඩුල්ලක රැඳී සිටිමින් ලකුණු 124ක් ලබා ගැනීමට සමත් වීම ගැන සතුටු බවත් කුසල් මෙන්ඩිස් පැවසුවා.
ලකුණු 100කට වඩා තමන්ට අතිශයින් ම වැදගත් වන්නේ කණ්ඩායම තරග ජය ගැනීමත් ඒ වෙනුවෙන් තමන් සිය පාර්ශ්වයෙන් උපරිමය සිදු කරන බව ද මෙන්ඩිස් වැඩිදුරටත් කියා සිටියා.
මෙහිදී කුසල් මෙන්ඩිස් නායක චරිත් අසලංකගේ නායකත්වය ද පැසසුමට ලක් කළා.
