වෙළඳාම, ආරක්ෂාව, කලාපීය සහයෝගීතාව කෙරෙහි අවධානය යොමු කරමින් 6 වන බිම්ස්ටෙක් (BIMSTEC) සමුළුව අප්රේල් 4 වන දින බැංකොක් නුවර දී පැවැත්වුණා.
බහු – ආංශික තාක්ෂණික සහ ආර්ථික සහයෝගීතාව සඳහා වූ බෙංගාල බොක්ක මුලපිරීමේ සමුළුව ‘සමෘද්ධිමත්, ඔරොත්තු දෙන සහ විවෘත BIMSTEC’ යන තේමාව යටතේ පැවැත්වීමට නියමිත බව BIMSTEC ලේකම් කාර්යාලයේ නිවේදනයක දැක්වුණා.
නායකයින්ගේ දැක්ම සහ මඟ පෙන්වීම් පිළිබිඹු කරමින් 6 වන BIMSTEC සමුළු ප්රකාශනය සම්මත කර ගැනීම සහ සාමාජික රටවල් අතර අනාගත සහයෝගීතාව සඳහා පුරෝගාමී මාර්ග සිතියමක් වන බැංකොක් දැක්ම 2030 ඇතුළු ශක්තිමත් න්යාය පත්රයක් එහි අන්තර්ගත වනු ඇති.
වෙළඳාම සහ ගමන් වැඩි දියුණු කිරීම සඳහා බෙංගාල බොක්ක හරහා භාණ්ඩ හා මගී ප්රවාහනය ඉහළ නැංවීම අරමුණු කරගත් සමුද්රීය ප්රවාහන සහයෝගීතාව පිළිබඳ ගිවිසුම අත්සන් කිරීමට නියමිත ප්රධාන ගිවිසුම් අතර වනවා.
මීට අමතරව, නව සංවර්ධන හවුල්කාරිත්වයන්හි ආරම්භය සනිටුහන් කරමින් BIMSTEC සහ ඉන්දියානු සාගර රිම් සංගමය (IORA) මෙන්ම එක්සත් ජාතීන්ගේ මත්ද්රව්ය හා අපරාධ පිළිබඳ කාර්යාලය (UNODC) අතර අවබෝධතා ගිවිසුම් (MoU) ද අත්සන් කරනු ඇති බව නිවේදනයේ සඳහන් වනවා.
