ශ්රී ලංකා එක් දින හා පන්දුවාර විස්ස ක්රිකට් ක්රීඩක භානුක රාජපක්ෂ හදිසියේ ජාත්යන්තර ක්රිකට් ක්රීඩාවට සමු දීමට ගත් තීරණය සම්බන්ධයෙන් ශ්රී ලංකා ක්රිකට් ආයතනය නිවේදනයක් නිකුත් කර තිබෙනවා.
භානුක රාජපක්ෂ විසින් ශ්රී ලංකා ක්රිකට් ආයතනය වෙත යොමු කළ ලිපියේ සඳහන් වන්නේ, සිය පවුල වෙනුවෙන් වැය කළ යුතු කාලය වැඩි කර ගැනීමේ අවශ්යතාව හේතුවෙන් තමන් ජාත්යන්තර ක්රිකට් දිවියට සමු දීමට තීරණය කළ බවයි.
ශ්රී ලංකා ක්රිකට් ආයතනය විසින් නිකුත් කළ එම නිවේදනයේ සිංහල පරිවර්තනය පහළින්.
මාධ්ය නිවේදනය : ශ්රී ලංකා ක්රිකට්
2022 ජනවාරි 05
භානුක රාජපක්ෂ මහතා වහාම ක්රියාත්මක වන පරිදි ශ්රී ලංකා ක්රිකට් ආයතනයෙන් ඉල්ලා අස්වන බව දැනුම් දුන්නේ ය.
රාජපක්ෂ මහතා ශ්රී ලංකා ක්රිකට් ආයතනය වෙත භාරදුන් ඉල්ලා අස්වීමේ ලිපියේ සඳහන් කර ඇත්තේ තම පවුලේ වගකීම් සලකා බලා ඉල්ලා අස්වීමට තීරණය කළ බව යි.
“මම ක්රීඩකයෙකු, ස්වාමිපුරුෂයෙකු ලෙස මගේ තත්වය ඉතා පරිස්සමින් සලකා බැලූ අතර මෙම තීරණය ගන්නේ පීතෘත්වය සහ ඒ ආශ්රිත පවුල් බැඳීම් තරකර ගැනීමේ අපේක්ෂාවෙන්” ඔහු සිය ඉල්ලා අස්වීමේ ලිපියේ සඳහන් කළේ ය.
ශ්රී ලංකා ක්රිකට් ආයතනයේ ඉදිරි කටයුතු සාර්ථක කර ගැනීමට හැකි වේ වා යි ප්රාර්ථනා කරන බව ද ඔහු පැවසී ය.භානුක රාජපක්ෂ එක්දින සහ විස්සයි20 තරග දෙකෙහි ම ශ්රී ලංකාව නියෝජනය කළේ ය.
භානුක රාජපක්ෂ ක්රිකට් දිවියට සමුදෙන්න තීරණය කළ හේතුව
