ආනයන සීමා පනවා තිබූ තවත් භාණ්ඩ වර්ග 286ක ආනයන සීමා ඊයේ (09) රාත්රී සිට ඉවත් කළ බව මුදල් රාජ්ය අමාත්ය රංජිත් සියඹලාපිටිය සඳහන් කළා.
අද (10) පෙරවරුවේ රුවන්වැල්ල ප්රදේශයේ දී මාධ්ය වෙත අදහස් දක්වමින් අමාත්යවරයා මේ බව ප්රකාශ කළා.
දීර්ඝ ලෙස සිදුකළ සොයාබැලීම් සහ සාකච්ඡාවලින් අනතුරුව මෙම භාණ්ඩ වර්ග 286 සඳහා ආනයන සීමා ඉවත්කළ බවයි ඔහු සඳහන් කර සිටියේ.
පැවති ආර්ථික අර්බුධය හමුවේ 2020 වසරේ අප්රේල් 16 වනදා භාණ්ඩ වර්ග 747ක්, 2020 වසරේ මැයි 22 වනදා භාණ්ඩ වර්ග 1077ක් සහ 2022 වසරේ අගෝස්තු මස 24 වනදා භාණ්ඩ වර්ග 1467ක් සඳහා ආනයන සීමා පැනවීමට සිදු වූ බවයි අමාත්යවරයා මෙහිදී වැඩිදුරටත් සඳහන් කළේ.
ආර්ථික යම් ස්ථාවර තත්ත්වයකට පත්වීමත් සමඟ අවස්ථා කිහිපයක දී වරින් වර එම භාණ්ඩවලට පනවා තිබූ ආනයන සීමා ඉවත් කිරීමට කටයුතු කළ බවයි ඔහු සඳහන් කර සිටියේ.
කෙසේ වෙතත් ආනයන සීමා පැනවූ භාණ්ඩ වර්ග 928ක් සඳහා තව දුරටත් ආනයන සීමා පවතින බවත්, ඒ අතරින් 306ක් වාහන බවත් අමාත්යවරයා මෙහිදී පවසා සිටියා.
