බෝයිං නව සභාපති හොර රහසේම ඉන්දියාවට

අමෙරිකානු ප්‍රසිද්ධ ගුවන් සමාගමක් වන බෝයිං (Boeing) හි ප්‍රධාන විධායක නිලධාරි කෙලී ඕර්ට්බර්ග් මහතා ඉන්දියාවේ රහස්‍යගත සංචාරයක නිරත වනවා.

මෙම සංචාරය සම්බන්ධයෙන් වැඩිවශයෙන් මාධ්‍යයට නිරාවරණය කර නොමැති වුව ද, බෝයිං ප්‍රධාන විධායක නිලධාරිවරයා සභාපති ධුරයට පත්වීමෙන් පසු සිදු කරන පළමු විදෙස් සංචාරය ලෙසයි මෙය සැලකෙන්නේ.

කෙලී මහතා සිය සංචාරයේ දී හයිද්‍රාබාද් හා බැංගලෝර් හි බෝයිං පහසුකම් කිහිපයක් නිරීක්ෂණයට ද එක් වන බවට වාර්තා වනවා.

‘ද හින්දු’ පුවත් සේවයට අනුව කෙලී ඕර්ට්බර්ග් මහතා නව සභාපති ධුරයට පත් ව ඇත්තේ පසුගිය වසරේ අගෝස්තු මාසයේදියි.

ඔහුගේ මෙම සංචාරය යටතේ ඉන්දීය බෝයිං ගනුදෙනුකරුවන් සමඟ ව්‍යාපාරික හමුවීම් ඇති අතර, එයට ටාටා ට්‍රස්ට් සභාපති නොයෙල් ටාටා සමඟ රැස්වීමක් ඇතුළත් බවත් වාර්තා වනවා.