බිරිඳ සමඟ පැටලුනු සැමියා පුතා අතින් අවසන් ගමන් යයි

ඊයේ (25) රාත්‍රියේ මාවනැල්ල, ඉහළකෝට්ටේ, මාකෙහෙල්වල ප්‍රදේශයේ දී තියුණු ආයුධයකින් පහර දී පුද්ගලයෙකු ඝාතනය කර තිබෙනවා.

මෙම පුද්ගලයා සහ බිරිඳ සමඟ ඇති වූ බහින්බස් වීමක් දුරදිග යාමෙන් ඔහුගේ පුතා විසින් තියුණු ආයුධයකින් පහර දී තම පියාව මෙලෙස ඝාතනය කර ඇති බවයි පොලිසිය පැවසුවේ.

මෙලෙස ඝාතනයට ලක්ව ඇත්තේ 45 හැවිරිදි වියේ පසුවන අයෙක් බවයි වාර්තා වන්නේ.

අපරාධය සිදුකළ 20 හැවිරිදි පුත්‍රයා පොලිසිය විසින් අත්අඩංගුවට ගෙන ඇති අතර, ඔහු අද (26) දිනයේ මාවනැල්ල මහේස්ත්‍රාත් අධිකරණය වෙත ඉදිරිපත් කිරීමට නියමිතව තිබුණා.

මහේස්ත්‍රාත්වරයා විසින් ස්ථානීය පරීක්ෂාව සිදුකිරීමෙන් අනතුරුව මෘත දේහය පශ්චාත් මරණ පරීක්ෂණය සඳහා කෑගල්ල රෝහල වෙත යොමු කිරීමට නියෝග කළ බවයි පොලිසිය වැඩිදුරටත් පැවසුවේ.