සංක්‍රමණිකයන් සඳහා වන ජාත්‍යන්තර සංවිධානය හා ජපාන රජය අතර එළඹ ඇති සහයෝගිතා ගිවිසුම අනුව, යෙන් මිලියන 1,170ක ජපන් ආධාර මත ‘ නිරිත දිග ආසියාවේ රටවල් වලට දේශ සීමා ආශ්‍රිත බෝවන රෝග පාලනය සඳහා පෙර සුදානම ‘ ව්‍යාපෘතිය යටතේ ශ්‍රී ලංකාවේ ඛණ්ඩාරනායක ජාත්‍යන්තර ගුවන්තොටු පොළෙහි පහසුකම් ජාත්‍යන්තර භාවිතයන්ට අනුව වැඩිදියුණු කිරීමේ කටයුතු 2023 වර්ෂයේ සිට ආරම්භ කළා.
ඒ යටතේ ගුවන්තොටු පොළ සැමිණීමේ පර්යන්තයේ ස්වයංක්‍රීය මගී නිෂ්කාශන ගේට්ටු 04 ක් සවි කිරීමේ කටයුතු අවසන් කර ඇති අතර, නුදුරේදීම එකී ගේට්ටු මඟින් මගී නිෂ්කාශන කටයුතු ආරම්භ කිරීමට සැලසුම් කර තිබෙනවා.
පැමිණිමේ පර්යන්තයේ සවි කරනු ලැබ ඇති ස්වයංක්‍රීය මගී නිෂ්කාශන ගේට්ටු 04ට සමගාමීව පිටවීමේ පර්යන්තයේ ද ස්වයංක්‍රීය මගී නිෂ්කාගත ගේට්ටු 04ක් සවි කිරීම තුළින් එකම ක්‍රම වේදයක් අනුව වඩාත් කාර්යක්ෂමව හා නිවැරදිව මගී නිෂ්කාශන කටයුතු ඉටු කර ගැනීමට හැකියාව පවතිනවා.
ඒ අනුව, බණ්ඩාරනායක ජාත්‍යන්තර ගුවන්තොටු පොළෙහි පිටවීමේ පර්යන්තයේ ස්වයංක්‍රීය මගී නිෂ්කාශන ගේට්ටු 04 ක් සවි කිරීමේ කටයුතු 2026 වර්ෂය තුළ සිදු කිරීම සඳහා මහජන ආරක්ෂක සහ පාර්ලිමේන්තු කටයුතු අමාත්‍යතුමා ඉදිරිපත් කළ යෝජනාව අමාත්‍ය මණ්ඩලය විසින් අනුමත කර තිබෙනවා.
