බැසිල් හදිසියේ ම අමෙරිකාවට

ශ්‍රී ලංකා පොදුජන පෙරමුණේ නිර්මාතෘ, හිටපු අමාත්‍ය බැසිල් රාජපක්ෂ අද (20) අලුයම දිවයිනෙන් පිටත්ව ගොස් තිබෙනවා.

කටුනායක ගුවන් තොටුපොළෙන් හිටපු අමාත්‍යවරයා අද අලුයම 03.05ට එමිරේට්ස් ගුවන් සේවයේ ඊ.කේ.- 649 දරන ගුවන් යානයෙන් ඩුබායි නුවර වෙත පිටත්ව ගොස් ඇති බවත්; හෙතෙම එතනින් අමෙරිකාව බලා පිටත්ව යනු ඇති බවයි ගුවන් තොටුපොළ කාර්යය භාර නිලධාරීවරයා පැවසුවේ.

මෙම ගුවන් යානය වෙත පිවිසීම සඳහා ඔහු ඇමෙරිකානු ඩොලර් 206ක මුදලක් ගෙවා කටුනායක ගුවන් තොටුපොළ තුළ පිහිටි “රන් මාවත” ( Gold Route ) පර්යන්තයේ පහසුකම ද ලබාගෙන ඇති බව ද වාර්තා වනවා.

මෙම පහසුකම යටතේ ගුවන් තොටුපොළ සියලුම නිශ්කාශන කටයුතු, එනම් රේගු, ආගමන විගමන ආදී නිලධාරීන් එම පර්යන්තය වෙත පැමිණ සිදු කරන බවයි දසත ගුවන්තොටුපොළ වාර්තාකරු පැවසුවේ.