වයස අවුරුදු පහළොවක බාලවයස්කාර දැරියක් පැහැරගෙන ගොස් පාළු නිවසක රඳවාගෙන බලහත්කාරයෙන් මත්පැන් පොවා දූෂණය කළ බව කියන පුද්ගලයකු පෙරේදා (21) අත්අඩංගුවට ගත් බව පොලිසිය පවසනවා.
මෙලෙස අත්අඩංගුවට ගෙන ඇත්තේ 24 හැවිරිදි වියේ පසුවන රක්වාන ප්රදේශයේ පදිංචිව සිටින එක්දරු පියෙක් බවයි වාර්තා වන්නේ.
මෙම පුද්ගලයා අදාළ දැරිය සමඟ ප්රේම සම්බන්ධයක් පවතවාගෙන ගොස් ඇති බවට අනාවරණය වී ඇති අතර, දැරිය ත්රීරෝද රථයකින් පැහැරගෙන පාළු නිවසකට රැගෙන ගොස් මෙම අපරාධය සිදුකර ඇති බවයි අනාවරණය වී ඇත්තේ.
මීට සැකකරුගේ මිතුරන් දෙදෙනෙකුගේ ද සහාය ලැබී ඇති අතර, ඔවුන් දෙදෙනා දැරියව බරපතළ ලෙස ලිංගික අපයෝජනයට ලක්කර ඇතැයි වාර්තා වනවා.
අත්අඩංගුවට ගැනුණු ප්රධාන සැකකරු ඊයේ (22) පැල්මඩුල්ල මහේස්ත්රාත් අධිකරණය හමුවට ඉදිරිපත් කිරීමෙන් පසු ලබන 04 වනදා දක්වා රක්ෂිත බන්ධනාගාර ගත කිරීමට නියෝග කර තිබෙනවා.
සිද්ධියට සම්බන්ධ අනෙක් සැකකරුවන් දෙදෙනා අත්අඩංගුවට ගැනීමට විමර්ශන සිදුකරගෙන යනු ලබනවා.
