ලතින් ඇමරිකාවේ විශාලතම රාජ්ය වන බ්රසීලය තුළ එක්ස් සමාජ මාධ්ය වහාම අත්හිටුවීමට එරට ශ්රේෂ්ඨාධිකරණය මඟින් නියෝග කර තිබෙනවා.
එක්ස් සමාජ මාධ්ය ජාලය සඳහා නීත්යානුකූල නියෝජිතයෙකු නම් කිරීම එහි ප්රකෝටිපති හිමිකරු එලොන් මස්ක් ප්රතික්ෂේප කිරීමත් සමඟ මෙම අධිකරණ නියෝගය නිකුත් කර ඇති බවයි වාර්තා වුණේ.
මෙම නියෝගයත් සමඟ ඉදිරි පැය 24 තුළ මෙම සමාජ මාධ්ය වේදිකාව එරට තුළ ලබාගත නොහැකි වනු ඇතැයි අපේක්ෂා කෙරෙනවා.
මේ අතර එක්ස් සමාජ මාධ්ය වේදිකාවට ප්රවේශ වීම සඳහා VPN (අතථ්ය පුද්ගලික ජාලය) වැනි ක්රම භාවිත කරන්නන්ට බ්රසීලියානු රියල් 50,000ක් නියම කරන බව ද අධිකරණය මඟින් නියෝග කර තිබෙනවා.
එක්ස් සමාජ මාධ්ය ජලය විසින් බ්රසීලය තුළ නව නීති නියෝජිතයෙකු නම් කර බ්රසීලියානු නීතිය උල්ලංඝණය කිරීම සම්බන්ධයෙන් දඩ මුදල් ගෙවන තෙක් මෙම තහනමක් ක්රියාත්මක වන බවයි අධිකරණය සඳහන් කර ඇත්තේ.
මෙම නියෝගය නිකුත් කළ ශ්රේෂ්ඨාධිකරණ විනිසුරු ඇලෙක්සැන්ඩ්රේ ද මොරායස් සහ එක්ස් හිමිකරු එලොන් මස්ක් අතර මාස ගණනාවක් පුරා මේ සම්බන්ධයෙන් අර්බුදයක් පැවතියා.
විනිසුරු ඇලෙක්සැන්ඩ්රේ ද මොරායස්ගේ මෙම තීරණය සම්බන්ධයෙන් ප්රතිචාර දක්වමින් එලොන් මස්ක් සඳහන් කළේ, නිදහස් භාෂණය ප්රජාතන්ත්රවාදයේ පදනම වන අතර, බ්රසීලයේ ව්යාජ විනිසුරුවරයෙකු දේශපාලන අරමුණු සඳහා එය විනාශ කරන බවයි.
