හොරණ සිට කොළඹ බලා ධාවනය වෙමින් තිබූ පෞද්ගලික බස් රථයක ගමන් ගත් විශ්ව විද්යාල සිසුවියකගේ පසු පස පෙදෙස මිරිකා ලිංගික හිංසාවක් කළ බව කියන සිද්ධියට අදාළ නඩුවක් දෙසැම්බර් මස 01 දින කැඳවීමට කොළඹ ප්රධාන මහේස්ත්රාත් අසංග එස් බෝදරගම මහතා අද (08) දින නියම කළා.
සිද්ධිය සම්බන්ධයෙන් අත්අඩංගුවට ගත් පුද්ගලයා කුරුඳුවත්ත පොලිසිය මඟින් අධිකරණයට ඉදිරිපත් කර කළ කරුණු දැක්වීමකින් අනතුරුව අධිකරණයෙන් එසේ නියම කෙරුණා.
සිද්ධිය සම්බන්ධයෙන් කරුණු දක්වමින් කුරුඳුවත්ත පොලිසිය අධිකරණය හමුවේ කියා සිටියේ, පැමිණිකාර ශිෂ්යාව කොළඹ සෞන්දර්ය විශ්ව විද්යාලයේ ඉගෙනුම ලබන 27 හැවිරිදි තරුණියක් බවයි.
පැමිණිලිකාර ශිෂ්යාව පසුගිය දිනක හොරණ ප්රදේශයේ සිට කොළඹ විශ්ව විද්යාලය බලා පෞද්ගලික බස් රථයක ගමන් කරමින් සිටින අතරතුර, ඇය සිටි අසුනට පසුපස අසුනක සිටි සැකකාර පුද්ගලයකු ඉතා සූක්ෂම ආකාරයෙන් පැමිණිකාර තරුණියගේ පසුපස පෙදෙස අවස්ථා කිහිපයකදී මිරිකා ඇති බවද පොලිසිය අධිකරණයට දැනුම් දුන්නා.
සිද්ධියෙන් අපහසුතාවයට පත් පැමිණිලිකාර ශිෂ්යාව තමන්ට සිදුව ඇති අතවරය සම්බන්ධයෙන් බස් රථය තුළ හඬනගා ප්රකාශ කළ අවස්ථාවේ එම රථයේ සිවිල් ඇඳුමෙන් සිටි පොලිස් නිලධාරියෙකු ඇතුළු පිරිසක් සැකකාර පුද්ගලයා අල්ලාගෙන කුරුඳුවත්ත පොලිසිය වෙත භාරදීමෙන් අනතුරුව අත්අඩංගුවට ගෙන ඇති බවද විමර්ශන නිලධාරීන් අධිකරණයට දැන්වූවා.
සිද්ධිය සම්බන්ධයෙන් පොලිසිය අධිකරණයට දැක්වූ කරුණු සලකා බැලු ප්රධාන මහේස්ත්රාත්වරයා සැකකාර පුද්ගලයා රුපියල් ලක්ෂ දෙකක වටිනා ශරීර ඇප දෙකක් මත මුදාහරින ලෙසට නියෝග කළා.
වීරකැටිය ප්රදේශයේ පදිංචිකරුවෙකු වන සැකකරුවෙක් එලෙස ඇප මත මුදාහැරුණා.
wpDiscuz
