චීන ජනාධිපති ෂී ජින්-පින් වත්මන් අමෙරිකානු ජනාධිපති ඩොනල්ඩ් ට්‍රම්ප් සමග වැඩ කිරීමට කැමති බව නිවේදනය කර තිබෙනවා.
හිටපු ජනාධිපති ජෝ බයිඩ්න් සමග පැවති දෙපාර්ශ්වික අවසන් හමුවේදියි චීන නායකයා මේ බව අවධාරණය කර ඇත්තේ.
ඊයේ (16) පේරු රාජ්‍යයේ පැවති වාර්ෂික ආසියා – පැසිෆික් ආර්ථික සහයෝගීතා (ඇපෙක්) සමුළුවට එක් වූ අවස්ථාවේ දී චීන නායකයා මේ බව සඳහන් කළේ.
නමුත් අමෙරිකානු ජාත්‍යන්තර යුදමය ප්‍රතිපත්තිය සහ වෙළෙඳාම ද, තායිවානය සම්බන්ධයෙන් වන අර්බුදකාරී පිළිවෙත් ද ඇතැම් විට ගැටුම් ඇති කරවිය හැකි බවයි මෙහිදී හෙළි ව තිබෙන්නේ.
චීන ආනයන සඳහා තීරුබදු ඉහළ නැංවීමේ පොරොන්දුව ඇතුළු සාධක මගින් මෙහෙයවනු ලබන ට්‍රම්ප් මාස දෙකකින් නැවත බලයට පත් වූ විට අමෙරිකා – චීන සබඳතා තවත් අස්ථාවර වනු ඇතැයි විශ්ලේෂකයෝ සඳහන් කළා.
ඔබේ ප්‍රතිචාරය කුමක්ද ?
+1
1
+1
+1
+1
+1
+1
+1
