අල්ලස් ලබාගැනීමේ සිද්ධියක් සම්බන්ධයෙන් අත්අඩංගුවට ගත් හිටපු බන්ධනාගාර සෞඛ්ය සේවා නියෝජ්ය අධ්යක්ෂ වෛද්ය හේමන්ත රණසිංහ ලබන 19 වැනිදා දක්වා රක්ෂිත බන්ධනාගාර ගත කරන ලෙස කොළඹ අතිරේක මහේස්ත්රාත් මංජුල තිලකරත්න මහතා නියෝග කළා.
අල්ලස් කොමිසම ඉදිරිපත් කළ කරුණු සලකා බැලීමෙන් අනතුරුව කොළඹ අතිරේක මහේස්ත්රාත්වරයා අද (13) මෙම නියෝගය නිකුත් කරනු ලැබුවා.
Wednesday, August 13, 2025, 4.17PM
බන්ධනාගාර රෝහලේ හිටපු නියෝජ්ය අධ්යක්ෂවරයා අත්අඩංගුවට
බන්ධනාගාර රෝහලේ හිටපු නියෝජ්ය අධ්යක්ෂ වෛද්ය හේමන්ත රණසිංහ අල්ලස් හෝ දුෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගෙන තිබෙනවා.
2024 වර්ෂයේදී, බන්ධනාගාරගත කර සිටි රැඳවියෙකු රෝගී තත්ත්වයක් හේතුවෙන් වැලිකඩ බන්ධනාගාර රෝහලට ඇතුළත් කිරීමෙන් පසුව ඔහු බන්ධනාගාරගත රෝහලේ නේවාසිකව ප්රතිකාර ලබාගැනීමෙන් අනතුරුව, තවදුරටත් එහි නේවාසිකව රඳවාගෙන ප්රතිකාර සිදුකිරීම සඳහා අල්ලස් වශයෙන් රුපියල් 1,500,000ක් ඉල්ලා ඉන් රුපියල් 300,000ක මුදලක් අල්ලස් ලෙස ලබාගැනීමේ සිද්ධියකට අදාළව ඔහුව මෙලෙස අත්අඩංගුවට ගත් බවයි අල්ලස් කොමිසම සඳහන් කළේ.
පිටකෝට්ටේ පිහිටි ඔහුගේ නිවසේ දී අද (13) පෙරවරුවේ මෙම අත්අඩංගුවට ගැනීම සිදුකර තිබෙනවා.
අත්අඩංගුවට ගත් සැකකරු කොළඹ මහේස්ත්රාත් අධිකරණයට ඉදිරිපත් කිරීමට නියමිතයි.
