හැටන් නගරයේ ආපණශාලාවකින් ආහාරයට ගත් බත් පිඟානක මියගිය කැරපොත්තෙකු සිටීමේ සිදුවීමකට එරෙහිව එම කඩහිමියාට නඩු පවරා තිබෙනවා.
මෙම සිදුවීම වාර්තා වන්නේ හැටන් නගර මධ්‍යයේ පිහිටි ආපණශාලාවකින්.
මෙකී අප්‍රසන්න සිදුවීම ඊයේ (21) දින සිදු ව ඇති අතර සිදුවීම ගැන පාරිභෝගිකයා විසින් මහජන සෞඛ්‍ය පරීක්ෂවරුන්ට දන්වා තිබෙනවා.
ඒ අනුව හැටන් මහේස්ත්‍රාත් අධිකරණය හමුවේ මේ මස 31 වැනි දින නඩු පැවරීමට කටයුතු කරන බවයි
දික්ඔය නගර සභාවේ මහජන සෞඛ්‍ය පරික්ෂක සෞන්දර් රාගවන් මහතා පැවසුවේ.
දිවා ආහාරය ලබා ගනිමින් සිටියදී පිඟානේ මියගිය කැරපොත්තෙකු සිටීම සම්බන්ධයෙන් ආපණශාලාවේ සේවකයන්ට දැනුම් දුන් නමුත් ඒ සම්බන්ධයෙන් ඔවුන් කිසිදු තැකීමක් නොකළ බවත් පාරිභෝගිකයා චෝදනා කරනවා.
ඉන් අනතුරුව ඔහු විසින් පොලිස් හදිසි ඇමතුම් ඒකකය (119) වෙත දැනුම්දී පැමිණිලි කර ඇති බවයි වාර්තා වන්නේ.
ඒ අනුව එම ආපණශාලාව අපිරිසිදුව පවත්වාගෙන යාම ඇතුළු චෝදනා හතරක් යටතේ එහි හිමිකරුට හැටන් මහෙස්ත්‍රාත් අධිකරණය හමුවේ නෛතික පියවර ගැනීමට කටයුතු කරනු ඇති.
