බංගලාදේශ කණ්ඩායම සමග පැවැත්වෙන දෙවන ටෙස්ට් ක්‍රිකට් තරගයේ බංගලාදේ පළමු ඉනිම ලකුණු 251 කට සීමා කිරීමට ශ්‍රී ලංකා පන්දු යවන්නන් සමත් වුණා.
එහිදී බංගලාදේශ කණ්ඩායම වෙනුවෙන් තමීම් ඉක්මාබල් ලකුණු 92 ක් රැස්කරගැනීමටයි සමත් වුණේ.
ඒ අනුව ශ්‍රී ලංකා කණ්ඩායම බංගලාදේශ පළමු ඉනිමට වඩා ලකුණු 242 ක් ඉදිරියෙන් සිටිනවා.
පන්දු යැවීමේදී සිය මංගල ටෙස්ට් ක්‍රිකට් තරගයට ක්‍රීඩා කරන ප්‍රවීන් ජයවික්‍රම ලකුණු 92 ක් ලබා දී බිඳහෙළු කඩුලු සංඛ්‍යාව 6ක්.
සිය පළමු ටෙස්ට් ක්‍රිකට් තරගයේදී ඉනිමක් තුළ කඩුලු 5 ක් හෝ ඊට වඩා සංඛ්‍යාවක් දවා ගත් පස් වන ක්‍රීඩකයා ලෙස ප්‍රවීන් ජයවික්‍රම වීමත් විශේෂත්වයක් වනවා.
තරගයේ කාසියේ වාසිය දිනා ප්‍රථමයෙන් පන්දුවට පහර දුන් ශ්‍රී ලංකා කණ්ඩායම කඩුලු 7 ක් දැවි ලකුණු 493ක් ලබා සිටියදී සිය ඉනිම අත්හිටුවීමටයි තීරණය කළේ.
එහිදී, නායක දිමුත් කරුණාරත්න සහ ලහිරු තිරිමාන්න ශතක රැස් කරගැනීට සමත් වුණා.
අද තරගයේ තෙවන දිනය වනවා.
