ශ්‍රී ලංකා පොදුජන පෙරමුණේ ජාතික ලැයිස්තු මන්ත්‍රීවරයා ලෙස නාමල් රාජපක්ෂගේ නම පිළිගත් බවට වන ගැසට් නිවේදනය නිකුත්කර තිබෙනවා.
ඊට අමතරව ඉලංගෙයි අරසු කච්චි ජාතික ලැයිස්තු මන්ත්‍රීවරයා ලෙස පත්මනාදන් සත්තියලිංගම්ගේ නමත් අදාළ ගැසට් පත්‍රය මඟින් ප්‍රසිද්ධියට පත්කර ඇති ආකාරය දැකගත හැකියි.
එමෙන්ම මේ වනවිට ජාතික ලැයිස්තු මන්ත්‍රී ධුර දෙක සම්බන්ධයෙන් අර්බුදයක් හටගෙන ඇති; නව ප්‍රජාතන්ත්‍රවාදී පෙරමුණේ ජාතික ලැයිස්තු මන්ත්‍රීවරයෙක් ලෙස රවී කරුණානායකගේ නම ද අදාළ ගැසට් පත්‍රය මඟින් ප්‍රකාශයට පත්කර තිබීම ද විශේෂත්යක්.
එම පක්ෂයේ ජාතික ලැයිස්තු මන්ත්‍රීවරයෙක් ලෙස රවී කරුණානායකගේ නම පක්ෂ මහ ලේකම් ෂර්මිලා පෙරේරා විසින් මැතිවරණ කොමිසමට ඊයේ දැනුම් දී තිබුණා.
කෙසේ වෙතත් එම දැනුම්දීම කර තිබුණේ පක්ෂයේ අනුමැතියකින් තොරව බවයි පසු එම පක්ෂයේ නායක රනිල් වික්‍රමසිංහ සඳහන් කළේ.
