පොලිස් නිලධාරිනියක් රාජකාරි කරන ආකාරය ජංගම දුරකථනයකින් වීඩියෝ ගත කර සමාජ මාධ්‍ය වෙත මුදාහැරි තරුණයින් දෙදෙනෙක් හලාවත පොලීසිය විසින් අත්අඩංගුවට ගෙන තිබෙනවා.
මෙලෙස පොලීසිය විසින් අත්අඩංගුවට ගෙන ඇත්තේ හලාවත, බංගදෙණිය සහ කුමාරකට්ටුව යන ප්‍රදේශවල පදිංචිකරුවන් දෙදෙනෙක්.
සැකකාර තරුණයින් දෙදෙනා ඉකුත් 27 වැනිදා පැමිණිල්ලක් විභාග කිරීම සදහා හලාවත පොලීසියේ සුළු පැමිණිලි අංශයට පැමිණ තිබෙනවා.
එහිදී සුළු පැමිණිලි අංශයේ නිලධාරිනියක් රාජකාරි කරන අතර තුර නිරාවරණය වී තිබූ ඇයගේ පාද ජංගම දුරකථනයකින් වීඩියෝ ගතකර සමාජ මාධ්‍ය වෙත මුදාහැරීමට කටයුතු කර ඇති බවයි අනාවරණය වී ඇත්තේ.
සිද්ධියට මුහුණ දුන් පොලිස් නිලධාරිනිය විසින් ඊයේ (28) මේ බව තම උසස් නිලධාරීන්ට පැමිණිලි කිරීමට කටයුතු කර ඇති අතර, ඉන් අනතුරුවයි සැකකරුවන් දෙදෙනා අත්අඩංගුවට ගෙන ඇත්තේ.
සැකකරුවන් දෙදෙනා හලාවත මහේස්ත්‍රාත්වරයා වෙත ඉදිරිපත් කිරීමට නියමිතව තිබෙනවා.
wpDiscuz
