පසුගියදා දිවා සුරැකුම් මධ්යස්ථානයක අනාරක්ෂිත පොකුණකට වැටී මියගිය දරුවාගේ සිද්ධියට අදාළ මිද්දෙනිය, තෝරකොලයාය ප්රදේශයේ පිහිටි දිවා සුරැකුම් මධ්යස්ථානයක් ලෙස පවතවාගෙන ගිය ස්ථානය නිරීක්ෂණය සඳහා කාන්තා සහ ළමා කටයුතු අමාත්ය සරෝජා සාවිත්රි පෝල්රාජ් ඊයේ (13) පැමිණියා.
එහිදී පෙර පාසලක් සමඟ පවත්වාගෙන ගිය මෙම දිවා සුරැකුම් මධ්යස්ථානයට අදාළව ආයතනික වශයෙන් පවත්වාගත යුතු ප්රමිතීන් මඟහැරීම සහ නොසැළකිළිිමත් බව අමාත්යවරියගේ නිරීක්ෂණයට යොමුව තිබෙනවා.
මේ පිළිබඳව ඉදිරි ක්රියාමාර්ග ලබාගැනීමේ දී නොසැළකිළිමත්කම පිළිබඳව දැඩි පියවර ගතයුතු බවත් ඉදිරියට මෙවන් අනාරක්ෂිත තත්ත්වයන් සහ අනතුරු වළක්වා ගැනීමට ක්ශේත්ර නිලධාරීන්ගේ අනිවාර්යය වගකීමක් බවත් අමාත්යවරිය අවධාරණය කළා.
මේ අතර පොකුණ වැටී අවාසනාවන්ත ලෙස මියගිය දරුවා පදිංචිව සිටි මැදමුලන. කදමඩිත්ත ප්රදේශයේ පිහිටි නිවසට ද ගොස් කරුණු විමසා බලොමට අමාත්යවරිය කටයුතු කර තිබුණා.
