රුසියානු ජනාධිපති ව්ලැඩ්මීර් පුටින් නැගෙනහිර ආසියානු සංචාරයේ දෙවන නැවතුම වන වියට්නාමයේ හැනෝයි අගනුවරට පැමිණ තිබෙනවා.
කෙසේ වෙතත්, යුක්රේනයේ ආක්රමණශීලී යුද්ධය ප්රවර්ධනය කිරීමට ජනාධිපති පුටින්ට වේදිකාවක් ලබාදීම සම්බන්ධයෙන් ඇමරිකාව මෙම සංචාරය විවේචනය කර තිබෙන බව ද විදෙස් මාධ්ය වාර්තා කරනවා.
වියට්නාමය යුරෝපය හා ඇමරිකාව සමඟ ඇති සබඳතා වැඩිදියුණු කිරීමට කටයුතු කරන අතර ම රුසියාව සමඟ ඇති ඓතිහාසික සබඳතා වැඩිදියුණු කරගැනීමට කටයුතු කරන බව ද සඳහන්.
හැනොයි හි දේශපාලන නිල නිවාසය වන බාඩින් හි කුඩා උද්යානයක් ඉදිකර ඇති රුසියානු විප්ලවවාදියෙකු වන ලෙනින්ගේ ප්රතිමාවට සෑම වසරකම ඔහුගේ උපන්දිනයේ දී වියට්නාමයේ ජ්යෙෂ්ඨ නිලධාරීන්ගේ මල් තබා හිස නමා ආචාර කරන
බවත් එය සෝවියට් සංගමයව පැවති සමයේ රුසියාවෙන් ලැබුණු ත්යාගයක් බවත් සඳහන්.
කෙසේ වෙතත් වියට්නාමයේ ආර්ථිකය ගෝලීය වෙලඳපොළවල සමඟ ඒකාබද්ධ වීමෙන් පරිවර්තනය වී ඇති බව වාර්තා වෙනවා.
වියට්නාමය තවමත් ප්රධාන වශයෙන් රුසියාවේ නිෂ්පාදිත යුද උපකරණ භාවිතා කරන අතර, දකුණු චීන මුහුදේ තෙල් ගවේෂණය සඳහා රුසියානු තෙල් සමාගම් සමඟ හවුල්කාරිත්වය දරන බව ද සඳහන්.
