කුරුවිට, කොක්ඕවිට ප්‍රදේශයේ නිවසට සිටි පුද්ගලයෙක් පැහැරගෙන ගොස් නිවසක් තුළ බලහත්කාරයෙන් රඳවා තබාගෙන පහර දෙන බවට පොලීසියට තොරතුරක් ලැබී තිබෙනවා.
එම තොරතුරට අනුව පොලිසිය සිදුකළ විමර්ශනය දී පහරකෑමට ලක්වූ පුද්ගලයා ඔහු රඳවා තබාගෙන සිටි නිවස ආසන්නයේ කැලෑ බද ප්‍රදේශයක දමාගොස් සිටිය දී හමු වූ බවයි පොලීසිය සඳහන් කළේ.
අනතුරුව 1990 ගිලන්රථ සේවයෙන් ඔහුව රත්නපුර රොහලට ඇතුළත් කර ඇති අතර, එහිදී ඔහු ප්‍රතිකාර ලබමින් සිටිය දී ඊයේ (21) සවස මියගොස් ඇති බවයි වාර්තා වුණේ.
මෙලෙස මියගොස් ඇත්තේ කොක්ඕවිට, පරකඩුව ප්‍රදේශයේ පදිංචිව සිටි 32 හැවිරිදි වියේ පසු වූ අයෙක්.
පුද්ගලික අමනාපයක් මත පහර දී මෙම ඝාතනය කර ඇති බවට විමර්ශන වලදී අනාවරණය වී ඇති බව පොලිසිය වැඩිදුරටත් සඳහන් කළා.
සිද්ධිය සම්බන්ධ සැකකරු ප්‍රදේශයෙන් පළාගොස් ඇති අතර, කුරුවිට පොලිසිය වැඩිදුර විමර්ශන සිදුකරනු ලබනවා.
