මහ මැතිවරණයෙන් ඉදිරිපත් ව මැතිවරණයෙන් පරාජයට පත් වූ අපේක්ෂකයෙකුට ජාතික ලැයිස්තුවෙන් පාර්ලිමේන්තුවට පිවිසීමට නොහැකි දැයි යන ප්රශ්නය මේ වනවිට (16) සමාජයේ දැඩි කතාබහකට ලක් ව තිබෙනවා.
මේ සම්බන්ධයෙන් අදහස් පළ කරමින් මැතිවරණ කොමිෂන් සභාවේ කොමසාරිස් ජනරාල් සමන් ශ්රී රත්නායක මහතා පැවසුවේ මැතිවරණය සඳහා පක්ෂවලින් ජාතික ලැයිස්තුවෙන් ඉදිරිපත් කර ඇති නාමලේඛනයේ තමන්ට හිමි වූ ආසන සඳහා එක් කළ හැකි ප්රමාණය කොමිසම වෙත ලැබීමට සලස්වන ලෙසයි.
එසේ නොමැති නම් යම්කිසි අපේක්ෂයෙකු ඉදිරිපත් වූ දිස්ත්රික්කයෙන් මැතිවරණයේ දී පරාජයට පත්ව සිටිය ද; පක්ෂ මහ ලේකම්වරයාගේ අනුමැතිය පවතී නම්; ඔහුට හෝ ඇයට ජාතික ලැයිස්තුවෙන් පාර්ලිමේන්තුවට පිවිසිය හැකි බව ද මැතිවරණ කොමිෂන් සභාව පවසනවා.
කෙසේවෙතත් නාමයෝජනා ලැයිස්තුවේ (මැතිවරණ කොට්ඨාස මට්ටමින්) හෝ ජාතික ලැයිස්තුවේ හෝ සඳහන් කර නොමැති නමක් නම් කිරීමට අවස්ථාවක් නොමැති බව ද සමන් ශ්රී රත්නායක මහතා වැඩිදුරටත් පැවසුවා.
එම ප්රකාශය ඇතුළත් සම්පූර්ණ වීඩියෝවට මෙතැනින්..
