පාර්ලිමේන්තු මන්ත්රී රිෂාඩ් බදියුදීන් මහතා පාස්කු ඉරුදින ප්රහාරයට සම්බන්ධ බවට ඇතැම් පාර්ශ්ව චෝදනා කළ ද ජනතාව විසින් තමන් නිර්දෝෂි අයෙකු ලෙස පිළිගෙන ඇති බව පවසයි.
ජාතිවාදී අදහස් සහිත සුළු පිරිසක් විසින් තමා වැරදිකරුවෙකු ලෙස හුවා දැක්වීමට ක්රියාකරන බවයි ඔහු පවසන්නේ.
“ජනතාව පිළිගත්තේ නැත්නම් මම වන්නි දිස්ත්රික්කයේ පළවෙනියා විදිහට එන්න පුළුවන්ද? ජාතිවාදය අවුස්සලා මේ රට විනාශ කරලා රටේ තියෙන සහජීවනය නැති කරන පොඩි කණ්ඩායමක් ඉන්නවා. සිංහල, මුස්ලිම් සහ දෙමළ ජනතාව තාම ඒ අයව පිළිඅරගෙන නෑ. වොයිස් කට් කාරයෝ කිහිප දෙනෙක් ඉන්නවා මේ රටේ. කාදිනල්තුමා ඉල්ලීමක් කළා ජනතාවගෙන් ඒ වෙලාවේ. නීතිය අතට ගන්න එපා කියලා. ඒ වෙලාවේ කාදිනල්තුමාගේ ඒ ඉල්ලීම අදත් අපි අගය කරනවා.” යනුවෙන් ද බදියුදීන් මහතා පැවසීය.
මේ අතර පාර්ලිමේන්තු මන්ත්රී රවුෆ් හකීම් මහතා ප්රකාශ කළේ පාස්කු ප්රහාරය පිළිබඳ විමර්ශන සිදුකළ කොමිසමේ නිර්දේශ ක්රියාත්මක කිරීමට මුස්ලිම් ප්රජාවගේ ද සහයෝගය ලබාදෙන බවයි
