පාලන මිලට සහල් අලෙවි නොකරන වෙළෙඳුන් සොයා අද (10) දිනයේ සිට වැටලීම් ක්රියාත්මක කරන බව පාරිභෝගික කටයුතු පිළිබඳ අධිකාරිය දැනුම් දෙනවා.
ඒ, අනුව නීතියට පටහැනිව කටයුතු කරන වෙළෙඳුන්ට එරෙහිව නීතිමය පියවර ගන්නා බවයි එම අධිකාරිය පැවසුවේ.
මේ අතර පෞද්ගලික අංශය විසින් ආනයනය කළ සහල් තොගයේ පළමු තොගය හෙට දිනය පමණ වනවිට මෙරටට ලැබෙනු ඇති බව රාජ්ය වාණිජ විවිධ නීතිගත සංස්ථාව පවසනවා.
එමෙන්ම ජනාධිපතිවරයාගේ උපදෙස් පරිදි පොළොන්නරුව සහ හම්බන්තොට දිස්ත්රික්කවල සහල් මෝල් පරීක්ෂාව අද දිනයේත් සිදු කෙරෙනවා.
එම සහල් මෝල්වලින් දෛනිකව නිකුත් කරන සහල් තොග පිළිබඳව වාර්තා මෙහිදී පාරිභෝගික කටයුතු පිළිබඳ අධිකාරියේ නිලධාරින් විසින් ලබා ගන්නවා.
මෙම කටයුතු අඛණ්ඩව දින 10ක් සිදු කෙරෙන බවයි එම අධිකාරිය සඳහන් කළේ.
මේ අතර දේශීය සහ ආනයනික සහල්වලට උපරිම මිලක් නියම කළ ගැසට් නිවේදනය ඊයේ පාරිභෝගික කටයුතු පිළිබඳ අධිකාරිය මඟින් නිකුත් කරනු ලැබුවා.
