පාර්ලිමේන්තු මන්ත්රීවරුන් සඳහා 2024 අයවැය වාර්තා පිළිබඳ වැඩමුළුවක් රජයේ මුදල් පිළිබඳ කාරක සභාව විසින් සිදු
කර තිබෙනවා.
රජයේ මුදල් පිළිබඳ කාරක සභා සභාපති ආචාර්ය හර්ෂ ද සිල්වා මහතාගේ ප්රධානත්වයෙනුයි මෙම වැඩමුළුව පාර්ලිමේන්තුවේදී පැවැත් වුණේ.
සමස්ත ඇස්තමේන්තුගත වියදම් සහ ආදායම ලැබීමේ පදනම ලෙස භාවිතා කරන මූල්ය, මූල්ය සහ ආර්ථික උපකල්පන පිළිබඳ රජයේ මුදල් පිළිබඳ කාරක සභා වාර්තා සහ මුදල් වෙන් කිරීම් රජයේ ප්රතිපත්තිවලට අනුකූලද යන්න ඇතුළු ඇස්තමේන්තු පිළිබඳ වාර්තාවන් සාකච්ඡා කිරීම මෙම වැඩමුළුවේ අරමුණ වුණා.
මෙම සාකච්ඡාව ආචාර්ය රොෂාන් ඈන් පෙරේරා, ආචාර්ය වෙනුර වෙලගෙදර, ආචාර්ය දුෂ්නි වීරකෝන් සහ ආචාර්ය නීෂා අරුණතිලක විසින් මෙහෙයවනු ලැබුවා.
පොදු සේවාවන් භාවිතා කිරීමේදී බදු හඳුනාගැනීමේ අංකය ක්රියාත්මක කිරීමේ ශක්යතාවට අමතරව අපේක්ෂිත බදු එකතු කිරීමේ හැකියාව, අධික පොලී ගෙවීම්, සාධක වෙළෙඳපොළ ප්රතිසංස්කරණය සහ රාජ්ය බැංකුවල ධනාත්මක බැංකු ශේෂයන් පිළිබඳව වැඩමුළුවේදී පැන නැඟුණු ප්රශ්න කිහිපයක්.
පසුගිය වසර තුළ පුද්ගලික ආදායම් බදු ගෙවා ඇත්තේ 31,000ක් පමණක් බව ද මෙහිදී අනාවරණය වී තිබෙනවා. සීමිත වගකීම් සහිත සමාගම් 105,000ක් පවතින නමුත් වාර්තා යවා ඇත්තේ 30,000ක් පමණක් බව ද අනාවරණය වුණා.
ප්රශ්නෝත්තර සහ සංවාද සැසියක් ලෙස මෙම වැඩමුළුව පැවැති අතර එහිදී මන්ත්රීවරුන්ට සාකච්ඡාවේ අන්තර්ගතය සම්බන්ධයෙන් සම්පත් දායකයන් සමඟ සාකච්ඡා කිරීමට ද අවස්ථාව ලැබී තිබෙනවා.
