අත්අඩංගුවට ගෙන රැඳවුම් භාරයට පත් කර සිටින පානදුර නිලංග නමැත්තාගේ බැංකු ගිණුම් පිළිබඳ වාර්තාවක් කැඳවීමට කොළඹ මහේස්ත්රාත් අධිකරණය විසින් අපරාධ පරීක්ෂණ දෙපාර්තමේන්තුවට අවසර ලබාදී තිබෙනවා.
ඒ, අපරාධ පරීක්ෂණ දෙපාර්තමේන්තුව විසින් කළ ඉල්ලීමක් සලකා බැලීමෙන් අනතුරුවයි.
කොළඹ ප්රධාන මහේස්ත්රාත් අසංක එස් බෝදරගම විසින් මෙම නියෝගය නිකුත් කර තිබෙනවා.
අපරාධ පරීක්ෂණ දෙපාර්තමේන්තුව අධිකරණයට වාර්තාවක් ඉදිරිපත් කරමින් අධිකරණය හමුවේ ප්රකාශ කර ඇත්තේ මේ වන විට රඳවාගෙන ප්රශ්න කරනු ලබන මෙම සැකකරුගේ බැංකු ගිණුම් දෙකක් හරහා විශාල වශයෙන් මුදල් සංසරණය වී ඇති බවට තොරතුරු ලැබී ඇති බවයි.
මෙම සැකකරු විසින් සිදුකරනු ලබන මත්ද්රව්ය ජාවාරම් හා අනෙකුත් අපරාධ ක්රියා පිළිබඳව වැඩිදුර විමර්ශන සිදු කිරීම සඳහා එම බැංකු ගිණුම් දෙකේ මුදල් සංසරණය වී ඇති ආකාරය පිළිබඳ විමර්ශන සිදු කිරීමට අවශ්ය වී තිබෙන බව පොලිසිය පෙන්වා දී තිබෙනවා.
ඒ අනුව අදාළ බැංකු ගිණුම් දෙක පරීක්ෂා කර වාර්තා කැඳවීම සඳහා අදාළ බැංකු දෙකට නියෝග නිකුත් කරන ලෙස අපරාධ පරීක්ෂණ දෙපාර්තමේන්තුව කළ ඉල්ලීම පිළිගත් ප්රධාන මහේස්ත්රාත්වරයා අනතුරුව මෙම නියෝග නිකුත් කළා.
