ආසියානු කුසලාන කාන්තා 20-20 ක්‍රිකට් තරගාවලියේ දෙවන අවසන් පූර්ව තරගය අද (26) පෙරවරුවේ රංගිරි දඹුලු ජාත්‍යන්තර ක්‍රීඩාංගණයේ දී ආරම්භ වුණා.
මෙම තරගයේ කාසිය වාසිය දිනූ ශ්‍රී ලංකා නායිකා චමරි අතපත්තුගේ ආරාධනයෙන් පාකිස්ථාන කාන්තා කණ්ඩායම පළමුව පන්දුවට පහර දුන්නා.
එහිදී පාකිස්ථාන කාන්තා කණ්ඩායම නියමිත පන්දුවාර 20 තුළ කඩුලු 04ක් දැවී ලකුණු 140ක් ලකුණු පුවරුවට එක් කිරීමට සමත් වුණා.
පාකිස්ථාන ඉනිම වෙනුවෙන් මුනීබා අලි ලකුණු ලකුණු 37ක් සහ ගුල් ෆෙරෝසා ලකුණු 25ක් රැස් කළා.
නායිකා නීඩා ඩාර් පන්දු 17ක් තුළ ලකුණු 23ක් රැස්කරමින් පාකිස්ථාන ඉනිම ශක්තිමත් කළා.
මෙහිදී ශ්‍රී ලංකා ක්‍රීඩකාවන් අතින් උඩපන්දු කිහිපයක්ම ගිලිහී යන ආකාරය දැකගත හැකි වුණා.
පන්දු යැවීමේ දී කවිෂා දිල්හාරි කඩුලු 02ක් සහ උදේශිකා ප්‍රබෝධනී කඩුලු 02ක් බිඳ දැමීමට සමත් වුණා.
ඒ, අනුව ආසියානු කුසලාන කාන්තා 20-20 ක්‍රිකට් තරගාවලියේ අවසන් මහා තරගය සඳහා සුදුසුකම් ලබාගැනීමට නම් ශ්‍රී ලංකා ක්‍රීඩිකාවන්ට පන්දු 120ක් තුළ ලකුණු 141ක ඉලක්කයක් හිමිව තිබෙනවා.
