ප්රවීණ බෙංගාලි සිනමා නළු මනෝජ් මිත්රා අභාවප්රාප්ත වී තිබෙනවා.
ඉන්දීය මාධ්ය පැවසුවේ අද (12) පෙරවරුවේ හෙතෙම හුස්ම ගැනීමේ අපහසුතාවක් හේතුවෙන් කොල්කටා හි සෝල්ට් ලේක් නමැති පෞද්ගලික රෝහලට ඇතුළත් කළ බවයි.
ප්රතිකාර කරමින් සිටියදී මනෝජ් මිත්රා මෙලෙස ජීවිතක්ෂයට පත් ව තිබෙනවා.
මියයන විට මනෝජ් මිත්රා 85 හැවිරිදි වියෙහි පසුවුණා.
මනෝජ් මිත්රා අතිශය ජනප්රිය වූයේ සිනමා අධ්යක්ෂක තපන් සිංහ විසින් අධ්යක්ෂණය කරන ලද බන්චරාමර් බගන් සහ සත්යජිත් රායිගේ සම්භාව්ය ඝරේ බයිරේ, ගණශාත්රු වැනි සිනමා පටවලට රංගනයෙන් දායකත්වය ලබා දුන් නිසාවෙන්.
ඔහු බාසු චැටර්ජි, බුද්ධදේබ් දාස්ගුප්තා සහ තරුන් මජුම්දාර් ඇතුළු ප්රවීණ අධ්යක්ෂවරුන්ගේ චිත්රපටවල ද රඟපෑම් කටයුතු කළා.
මිත්රා ටෙලිනාට්ය 100කට අධික ප්රමාණයක් ලියා ඇති අතර 1985 දී හොඳම නාට්ය රචකයා සඳහා වන සංගීත නාටක් ඇකඩමි සම්මානය ද දිනා ගත්තා.