AFC Banner
AFC Banner
Empty Ad

ප්‍රධාන විධායක නිලධාරීවරයෙකු මරා දැමූ ඝාතකයාගේ ඡායාරූප මාධ්‍යයට නිකුත් කෙරේ

අමෙරිකාවේ යුනයිටඩ් හෙල්ත් සංවිධානයේ ප්‍රධාන විධායක නිලධාරිවරයාගේ ඝාතනය සිදු කළ පලා ගිය ඝාතකයාගේ සමීප ඡායාරූපයක් එරට පොලිසියෙන් මාධ්‍ය වෙත මුදාහැර තිබෙනවා.

අල් ජසීරා පුවත් සේවය වාර්තා කළේ; නිව් යෝර්ක් පොලිස් දෙපාර්තමේන්තුව විසින් ඝාතනය සිදු කිරීමට ඝාතකයා පැමිණෙන අයුරු දැක්වෙන ආරක්ෂිත කැමරා දර්ශන ආශ්‍රයෙන් මෙය නිකුත් කර ඇති බවයි.

ඝාතකයා ඔහුගේ මුහුණ කිසිදු ලෙසකින් ආවරණය කර නොමැති අතර හිස් වැසුම් සහිත කබායක් පැළඳ සිටිනවා.

පසුගිය දින නිව් යෝර්ක් නගරයේ හෝටලයකින් පිටත පරිශ්‍රයේ දී හෙල්ත් කෙයාර් හි ප්‍රධාන විධායක නිලධාරී වූ බ්‍රයන් තොම්සන්ගේ මෘතශරීරය සොයාගැනුණා.

50 හැවිරිදි තොම්සන් ව පෙරේදා (04) අලුයම නිව් යෝර්ක් හිල්ටන් මිඩ්ටවුන් හෝටලයෙන් පිටතට පැමිණෙමින් සිටියදී සැඟවී සිටි වෙඩික්කරුවෙකුගේ ඉලක්කයට ගොදුරු වූ බවයි වාර්තා වුණේ.

NYPD නිලධාරීන් මෙම ඝාතනය විස්තර කර ඇත්තේ “කලින් සැලසුම් කළ” සහ “ඉලක්කගත” ප්‍රහාරයක් ලෙසයි.

ඔබේ ප්‍රතිචාරය කුමක්ද ?
+1
1
+1
0
+1
0
+1
1
+1
4
+1
1
+1
0
Subscribe
Notify of
0 Comments
Oldest
Newest Most Voted
Inline Feedbacks
සියලු ප්‍රතිචාර බලන්න !

?