ඉන්දීය සුප්රසිද්ධ සිනමා අධ්යක්ෂවරයෙකු වන මනි රත්නම් නිර්මාණය කළ ‘පොන්නියින් සෙල්වන්’ චිත්රපටය පසුගිය දා ලොව පුරා ප්රදර්ශනට ආරම්භ කළා.
මෙම චිත්රපටය ප්රදර්ශනය ආරම්භ කළ පළමු දින තුන ඇතුළත බොක්ස් ඔෆිස් වාර්තා බිඳ දමමින් ඉන්දීය රුපියල් කෝටි 230ට වැඩි ආදායමක් උපයා ඇති බවයි වාර්තා වන්නේ.
එම අදායමෙන් රුපියල් කෝටි 100කට වැඩි ප්රමාණයක් ඉන්දියාව තුළදීම උපයා තිබීම විශේෂත්වයක්.
ඇමරිකා එක්සත් ජනපද තුළ ද ප්රදර්ශනය ආරම්භ කර පළමු දින කිහිපය තුළ ඩොලර් මිලියන 4.13 ක ආදායමක් උපයමින් ඇමරිකා එක්සත් ජනපදය තුළ මෙතෙක් හොඳම ආදායමක් ඉපැයූ දමිළ චිත්රපයට බවට ද ‘පොන්නියින් සෙල්වන්’ පත්ව තිබෙනවා.
නවකතාවක් පදනම් කරගෙන නිර්මාණය කර ඇති ‘පොන්නියින් සෙල්වන්’ දෙමළ, හින්දි, තෙළිඟු, මලයාලම් සහ කන්නඩ යන භාෂා පහකින් ලොව පුරා ප්රදර්ශනය කෙරෙනවා.
අයිශ්චර්යා රායි, වික්රම්, අයිශ්වර්යා ලක්ෂ්මි, කාර්තික් සිවකුමාර්, ත්රිෂා ක්රිෂ්ණන් වැනි සුප්රසිද්ධ බොලිවුඩ් සහ කොලිවුඩ් නළු නිළියන් රැසකගේ දායකත්වයෙන් මෙම චිත්රපයට නිර්මාණය වී තිබෙනවා.
එමෙන්ම ශ්රී ලංකාවේ ජනප්රිය නළුවෙකු වන ෂාම් ප්රනාන්දු ද මෙම චිත්රපටයට රංගනයෙන් දායක වී තිබීම ද විශේෂත්වයක්.
මේ අතර ලොව පුරා සිටින සිනමාවට ලැදි ප්රේක්ෂකයින් ‘පොන්නියින් සෙල්වන්’ මේ වනවිටත් ආදරයෙන් වැළඳගෙන ඇති බවයි සිනමා විචාරකයින් පවසන්නේ.
