වෝර්න් – මුරලි ටෙස්ට් තරගාවලියේ පළමු ටෙස්ට් තරගය වර්ෂාව හේතුවෙන් දිනයේ අවසන් භාගයේ දී හෝරාවකට පමණ පෙරාතුව නතර කරනු ලැබුවා.
ඒ අනුව තරගයේ පළමු දිනය වන අද (29) දිනය නිමාවන විට ඔස්ට්රෙලියානු කණ්ඩායම කඩුලු 02ක් පමණක් දැවී ලබා සිටින ලකුණු සංඛ්යාව ලකුණු 330ක්.
තෙවැනි කඩුල්ල වෙනුවෙන් පිටියේ රැඳී සිටින්නේ නායක ස්ටීවන් ස්මිත් සමගින් උස්මන් කවජා.
ස්ටීවන් ස්මිත් සහ කවජා දෙදෙනා ම ටෙස්ට් ශතක රැස් කරගැනීමට සමත් වූ අතර ඔවුන් දෙදෙනා අතර ගොඩනැගුණු සබඳතාව ලකුණු 195ක්.
උස්මන් කවජා නොදැවී ලකුණු 147ක් සහ ස්මිත් නොදැවී ලකුණු 104ක් ලබා සිටිනවා.
මේ අතර ලොව ටෙස්ට් ලකුණු 10,000 සීමාව පසුකර ගිය 15 වැනි ක්රීඩකයා බවට පත් වීමට ස්ටීවන් ස්මිත් අද සමත් වුණා.
ශ්රී ලංකාව වෙනුවෙන් අද දිනයේ දී බිඳ දැමූ කඩුලු දෙකෙන් එකක් ප්රභාත් ජයසූරියට සහ ජෙෆ්රි වැන්ඩර්සේ හට හිමි වුණා.
හෙට (30) තරගයේ දෙවැනි දිනයයි.
