නිවසක ඇති වූ හදිසි ගිනි ගැනීමකින් එම නිවෙස් හිමියා ජීවිතක්ෂයට පත් ව තිබෙනවා.
අප වාර්තාකරු පැවසුවේ අද (27) උදෑසන මෙම ගින්න හටගෙන ඇත්තේ කොස්ලන්ද පොලිස් වසමේ පූනාගල – කෝවිල පාරේ පිහිටි නිවසකට බවයි.
මරණකරු ගිනි ගැනීමට ලක් වූ නිවසේ හුදෙකලා ව ජීවත් වී ඇති අතර දිනපතා ඔහු භූමිතෙල් ලාම්පුවක් දල්වා ගනිමින් රාත්‍රියේ දී නිදා ගන්නා බවට අනාවරණය වී තිබෙනවා.
පොලිසිය සැක පළ කරන්නේ එම භූමිතෙල් පහන පෙරළී යාමෙන් මෙම ගිනි ගැනීම ඇති වන්නට ඇති බවයි.
ගින්නෙන් මියගොස් ඇත්තේ 70 හැවිරිදි එම්.ඩී. සයිමන් නමැත්තෙකු බවයි.
සිද්ධිය සම්බන්ධයෙන් කොස්ලන්ද පොලිසිය පරීක්ෂණ පවත්වනවා.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
