බලපත්‍ර රහිත ව වැලි ප්‍රවාහනය කරමින් තිබූ ටිපර් රථයක් අත්අඩංගුවට ගෙන තිබෙනවා.
අද (31) පෙරවරුවේ මෙම ටිපර් රථය සහ එහි රියැදුරු අත්අඩංගුවට ගෙන ඇත්තේ බගවන්තලාව හරහා මස්කෙළිය දක්වා ධාවනය කරමින් සිටියදියි.
ටිපර් රථයේ රියදුරු වැල්ලවායේ සිට බගවන්තලාව හරහා මස්කෙළිය දක්වා පොලිස් මුරපොළවල් මග හරිමින් පැමිණ ඇති බවයි හෙළි ව ඇත්තේ.
කෙසේවෙතත් මෙම ටිපර් රථය බගවන්තලාව නගරය හරහා ධාවනය කරමින් සිටියදි බගවන්තලාව නගරයේ රාජකාරියේ නිරතව සිටි පොලිස් නිලධාරින් විසින් එය නතර කරන ලද බවත්; සිදු කළ පරීක්ෂාවේ දී ඔහු සතුව වැලි ප්‍රවාහනයට බලපත්‍රයක් නොමැති බවත් අනාවරණය වී තිබෙනවා.
අත්අඩංගුවට ගත් ටිපර් රථයේ වැලි කියුබ් තුනක් තිබු බවත්, අත්අඩංගුවට ගත් රියදුරා
හැටන් මහේස්ත්‍රාත් අධිකරණයට ඉදිරිපත් කිරීමට නියමිතව ඇති බවයි දසත ප්‍රාදේශීය වාර්තාකරු පැවසුවේ.
ඔබේ ප්‍රතිචාරය කුමක්ද ?
+1
+1
+1
1
+1
+1
+1
+1
