ටැටූ නැත්නම් පච්ච ගැසීම කියන්නේ කලාවක්.
ඒක ලෝකයේ බොහෝ බටහිර, අප්‍රිකා සහ ආසියාතික රටවල අතිශය ප්‍රසිද්ධ කලාවක්.
ඇතැම් පිරිස් මෙම කලාව වෘත්තීයමය වශයෙන් ද සිදු කරනවා.
ටැටූ කලාවට ආදරය කරන බොහෝ දෙනෙක් මෙම ටැටූ සිය ශරීරයේ තමන් ප්‍රිය ස්ථානයක කොටා ගන්නේ එය බෙහෙවින් ම මතුපිටින් වර්ණවත් සහ හැඩැති ස්වරූපයක් මවන නිසාවෙන්මයි.
මෙම ටැටූ කලාව බොහෝ තරුණ – වැඩිහිටි පිරිස අතර ජනප්‍රිය වනවා.
නමුත් NDTV මාධ්‍ය වාර්තා කරන්නේ නවතම අධ්‍යයනයකින් හෙළි ව ඇති කාරණය වන්නේ තම ශරීරයෙහි නිර්මාණය කරගන්නා පච්චය නැතහොත් ටැටූ නිර්මාණය ප්‍රමාණයෙන් විශාල වන තරමට එය මාරාන්තික පිළිකා ඇතිවීමේ අවදානමක් වැඩි කරන බවයි.
BMC Public Health සඟරාවේ ප්‍රකාශයට පත් කරන ලද මෙම අධ්‍යයනය, නිවුන් දරුවන් 2,000කට අධික සංඛ්‍යාවකගේ දත්ත විශ්ලේෂණය කර ටැටූ කළ අයගේ පිළිකා අනුපාතය සහ ටැටූ නොකළ අයගේ පිළිකා අනුපාතය සංසන්දනය කරමින් සිදු කර තිබෙනවා.
ඕනෑම ආකාරයක පච්චයක් ඇති කෙනෙකුගේ පිළිකා ඇතිවීමේ තත්ත්වය 62%කින් ඉහළ ගොස් තිබෙන බවත් එම පච්චය විශාල වූවන්ගේ සමේ පිළිකා අවදානම සියයට 137කින් ඉහළ ගොස් ඇති බවයි.
එවැනි පුද්ගලයින්ට සම ආසාදිත ව ලිම්ෆෝමා අවදානම 173% දක්වා ඉහළ ගොස් ඇති බව ද මෙම අධ්‍යයනයෙන් හෙළි ව තිබෙනවා.
පච්චවලින් සමෙහි අංශු කලාපීය වසා ගැටිතිවල එකතු වන බව සොයාගෙන ඇති අතර ඒවා රුධිර ප්‍රවාහනය හරහා අනෙකුත් අවයවවලට ප්‍රවාහනය කළ හැකි බව ද පැවසෙනවා.
