11 වැනි පංචෙන් ලාමා පැහැරගෙන ගොස් මැයි 18 වැනි දිනට 30 වසරක් සම්පූර්ණ වන හෙයින් ඔහු ව නිදහස් කිරීමට කටයුතු කරන ලෙසට අමෙරිකානු සෙනෙට් මණ්ඩලය චීනයෙන් ඉල්ලා සිටිනවා.
tribuneindia.com වෙබ් අඩවිය වාර්තා කරන පරිදි ඇමරිකානු සෙනෙට් මණ්ඩලයේ විදේශ සබඳතා කමිටුවේ සභාපති ලෙස සේවය කරන ජිම් රිෂ් (ආර්-ඉඩාහෝ) සහ ජීන් ෂහීන් (ඩී-එන්.එච්.) යන මහත්වරුන් චීන මහජන සමූහාණ්ඩුව විසින් පංචෙන් ලාමා වන ගෙඩුන් චොකි නීමා පැහැරගෙන යාමේ 30 වන සංවත්සරය වෙනුවෙන් ප්රකාශයක් නිකුත් කරමින් මේ බව සඳහන් කර ඇති බවයි.
අමෙරිකා විදේශ සබඳතා පිළිබඳ සෙනෙට් කමිටුවේ (USSCFR) නිවේදනයක සඳහන් කර ඇති පරිදි, පංචෙන් ලාමා ටිබෙට් ජාතිකයින් සඳහා වැදගත් අධ්යාත්මික චරිතයක් ලෙස සේවය කරන අතර ආගමික නිදහස සඳහා ඔවුන්ගේ සටන නියෝජනය කරන චරිතයක්.
අමෙරිකා සෙනෙට් මණ්ඩලය නිකුත් කළ නිවේදනයේ වැඩිදුරටත් දැක්වෙන්නේ,
“බීජිං හි පංචෙන් ලාමා පැහැර ගැනීම ටිබෙට් ජනතාවට සහ ඔවුන්ගේ ආගමික නිදහස ලුහුබැඳීමට කරන ලද අපහාසයකි. දශක ගණනාවක් තිස්සේ චීනය ටිබෙට් ජාතිකයින්ට ස්වයං නිර්ණ අයිතිය ප්රතික්ෂේප කර ඇති අතර දලයි ලාමා හෝ ඔහුගේ නියෝජිතයන් සමඟ සෘජු සංවාදයක යෙදීම ප්රතික්ෂේප කර ඇත. මේ අතර, බීජිනය ටිබෙට් ආගම, සංස්කෘතිය සහ භාෂාව මකා දැමීමේ ප්රතිපත්ති දිගටම ක්රියාත්මක කරයි. මෙය දුරාචාර සහ අසාධාරණයි“යනුවෙන් එහි සඳහන්.
