නොවැම්බර් 12 වෙනිදා විශේෂ ආරක්ෂාවක්

රජයේ අයවැය යෝජනාවලිය ඉදිරිපත් කෙරෙන ලබන 12 වැනිදා පාර්ලිමේන්තු සංකීර්ණයේ විශේෂ ආරක්ෂක වැඩපිළිවෙලක් ක්‍රියාත්මක කරන බව කතානායක මහින්ද යාපා අබේවර්ධන අද පාර්ලිමේන්තුවට දැනුම් දෙනු ලැබුවා.

මේ අනුව පාර්ලිමේන්තුවේ ප්‍රධාන රථගාල එදින වසා දැමෙන බවයි කථානායකවරයා සඳහන් කළේ.

මහජන ගැලරිය රාජතාන්ත්‍රිකයන්ට පමණක් වෙන් කෙරෙන බව පැවසූ කතානායකවරයා, මන්ත්‍රීවරුන්ගේ වාහන අදාල රථගාල් වෙත යොමු කිරීමට පියවර ගැනෙන බවටද දැනුම් දී සිටියා.

එසේම මන්ත්‍රීවරුන් එදින සිය රියදුරන් සමග පැමිණීම වැදගත් බවත් රථවාහන හැසිරවීම සඳහා රථවාහන අංශ පොලිස් නිලධාරීන් රාජකාරියේ යොදවන බවද කථානායකවරයා ප්‍රකාශ කර සිටියේ.