මහකුඹුක්කඩවල පොලිස් වසමේ සොහොන්කල්ම ප්‍රදේශයේ ඊයේ (26) රාත්‍රී කාලයේ මනුෂ්‍ය ඝාතනයක් සිදුව තිබෙනවා.
මෙලෙස ඝාතනයට ලක්ව ඇත්තේ සොහොන්කල්ම ප්‍රදේශයේ පදිංචිව සිටි වයස අවුරුදු 26ක අයෙක්.
මෙම පුද්ගලයා තම පියා සමඟ නිවසේ මත්පැන් පානය කරමින් සිටිය දී ඇති වූ ආරවුලක් මත පියා විසින් මොහුට පොරවකින් පහර දී මෙම ඝාතනය සිදුකර තිබෙනවා.
මෘත ශරීරය මහේස්ත්‍රාත් පරීක්ෂණයෙන් පසු පශ්චාත් මරණ පරීක්ෂණය සඳහා ආණමඩුව රෝහලට රැගෙන යාමට නියමිත බවයි පොලිසිය සඳහන් කළේ.
අපරාධය සිදුකළ 63 හැවිරිදි සැකකාර පියා අත්අඩංගුවට ගෙන ඇති අතර, මහකුඹුක්කඩවල පොලිසිය වැඩිදුර විමර්ශන සිදුකරනු ලබනවා.
මාරයාගෙ උවනාවන් තමා ඔය. මෙතරම් ධර්මය පවතින රටේ මේ තරම් පවුකාර මිනිසුන් සිටීම පාපයක්. මත්පැන් පානයට ධර්මයෙන් විනය නීතියක් දාලා තියෙන්නෙ ඔය වගේ මාරාවේශ වන බව භාග්‍යවතුන් වහන්සේ දැක්ක නිසාම බව මේවා ධර්මයට ගලපා බලද්දි හොඳින් අවබෝධ වෙනවා.